უკრაინის სპეციალური ოპერაციების ძალებმა ხერსონის რაიონში მტრის პერსონალთან ერთად რუსული ავტომანქანა Kamaz Typhoon გაანადგურეს. შესაბამისი განცხადება უკრაინის სპეციალური ოპერაციების ძალების სარდლობამ Facebook-ზე გააკეთა, იუწყება Ukrinform-ი.
„მტრის პერსონალით სავსე მანქანა „კამაზ ტაიფუნი“ მომენტალურად დაიწვა. აქ არის კიდევ ერთი მაგალითი უკრაინის სპეციალური ოპერაციების ძალების მიერ განხორციელებული წარმატებული ჩასაფრების“, – ნათქვამია ანგარიშში.
