კიევში ძლიერი აფეთქებების ხმა ისმოდა, როგორც უკრაინული მედია წერს, ქალაქში ჩაირთო საჰაერო განგაშიც. კიევის საქალაქო სამხედრო ადმინისტრაციის ინფორმაციით, რუსი ოკუპანტები დედაქალაქს რაკეტებით დაესხნენ თავს.
უწყება მოუწოდებს კიევის მოსახლეობას, საჰაერო განგაშს ყურადღება მიაქციონ და თავშესაფრებში დარჩნენ. მათივე ცნობით, რუსეთის სამიზნე კვლავ ინფრასტრუქტურული ობიექტები გახდა. მოგვიანებით, კიევის მერმა დააზუსტა, რომ ოკუპანტებმა შეტევა დედაქალაქის დნეპრის რაიონზე განახორციელეს.
