უკრაინის უსაფრთხოების სამსახურმა სამრეწველო გიგანტის, ზაპოროჟიეში სააქციო საზოგადოება “Motor Sich –ის” პრეზიდენტი ვიაჩესლავ ბოგუსლაევი დააკავა – ამის შესახებ იტყობინება SBU- ს პრესსამსახური.
83 წლის ბოჰუსლაევი ეჭვმიტანილია რუსული თავდასხმის თვითმფრინავებისთვის სამხედრო საქონლის უკანონო მიწოდებაში. მას ბრალი ღალატსა და რუსეთთან თანამშრომლობაში ედება.
ასევე უკრაინის უშიშროების სამსახურმა დაადასტურა Motor Sich-ის საწარმოს საგარეო ეკონომიკური საქმიანობის დეპარტამენტის უფროსის ოლეგ ძიუბას დაკავების შესახებ
,,ისინი გამოცხადდნენ ეჭვმიტანილებად აგრესორ სახელმწიფოსთან თანამშრომლობაში და დახმარებაში“, – განაცხადეს SBU- ში.
“მოტორ სიჩი” მსოფლიოში ერთ–ერთი წამყვანი ფირმაა თვითმფრინავის ძრავების, ვერტმფრენებისა და სამრეწველო გაზის ტურბინების წარმოებაში.
ბოჰუსლაევი, რომელიც გავლენიან პირად ითვლება და ქვეყნის ერთ–ერთი უმდიდრესი ადამიანია, სამჯერ აირჩიეს უმაღლეს რადაში ყოფილი პრეზიდენტის, ვიქტორ იანუკოვიჩის “რეგიონების პარტიიდან“. 2014 წელს კი კენჭი დამოუკიდებელი კანდიდატის სტატუსით იყარა.
გამოძიების მასალების მიხედვით, ეს ოფიციალური პირები მოქმედებდნენ რუსული კორპორაციის Rostec-ის წარმომადგენლებთან შეთანხმებით, რომელიც არის რუსეთის შეიარაღებული ძალების იარაღის ერთ–ერთი მთავარი მწარმოებელი.
მათ ჩამოაყალიბეს ტრანსნაციონალური არხები, აგრესორი ქვეყნისთვის უკრაინული თვითმფრინავების ძრავების საბითუმო მიწოდებისთვის.
განცხადებაში, ასევე აღნიშნულია, რომ მიღებული პროდუქცია ოკუპანტებმა გამოიყენეს რუსული ტიპის თავდასხმის ვერტმფრენების წარმოებისა და შეკეთებისთვის
ესენია : 8AMTSh-VN “Sapsan”; KO-52 “ალიგატორი“; Mi-28N “ღამის მონადირე“.
როგორც უწყებაში აცხადებენ, დადგენილია, რომ დამპყრობლები მასიურად იყენებდნენ არმიის ავიაციის შესაბამის მოდელებს უკრაინაში სრულმასშტაბიანი შეჭრისთვის.
SBU-ს ცნობით, ამას ადასტურებს უკრაინის დამცველების მიერ მტრის საბრძოლო ვერტმფრენების განადგურების მრავალი ფაქტი.
რუსეთის ფედერაციასთან ვაჭრობაზე დადგენილი შეზღუდვების გვერდის ავლით, სქემის ორგანიზატორებმა გამოიყენეს კონტროლირებადი კომერციული სტრუქტურები ახლო აღმოსავლეთის, ევროპისა და აღმოსავლეთ აზიის სამ ქვეყანაში. სწორედ ამ კომპანიებმა გაუგზავნეს შეკვეთა უკრაინულ მწარმოებელს, თითქოსდა უცხოური მხარის საჭიროებისთვის.
თუმცა სამხედრო პროდუქციის მიღების შემდეგ „შუამავლებმა“ ის რუსეთში გადაიტანეს. მტერმა, ასევე გამოიყენა თავისი უცხოელი თანამზრახველები უკრაინული სათადარიგო ნაწილების გამოყენებით საკუთარი თვითმფრინავების შესაკეთებლად და შესანარჩუნებლად.
როგორც აღინიშნა, გამოძიების მსვლელობისას უსაფრთხოების სამსახურის თანამშრომლებმა დაადგინეს გარიგების ყველა ორგანიზატორი, დააფიქსირეს მათი დანაშაულებრივი ქმედებები და ჩაატარეს ყოვლისმომცველი ღონისძიებები დამნაშავეების პასუხისგებაში.
ავტორი
