“გურია ნიუსის” მიერ მოპოვებული ინფორმაციით, საპარლამენტო უმრავლესობა სახალხო დამცველის კანდიდატად ნინო ლომჯარიას დაასახელებს.
ჩვენი ინფორმაციით, აღნიშნული გადაწყვეტილება “ქართული ოცნების” წევრებმა ცოტა ხნის წინ გამართულ შეხვედრაზე მიიღეს.
ნინო ლომჯარია ერთ-ერთია იმ კანდიდატთაგან, რომელიც პარლამენტს არასამთავრობო სექტორმა შესთავაზა.
ლომჯარია წლების განმავლობაში “სამართლიან არჩევნებს” ხელმძღვანელობდა.
ბოლო ერთი წლის განმავლობაში კი სახელმწიფო აუდიტის სამსახურის უფროსის მოადგილე გახლდათ.
ლომჯარიასთან ერთად არასამთავრობო სექტორი პარლამენტს ზვიად ქორიძის, ანა ნაცვლიშვილის და ვახუშტი მენაბდის კანდიდატურას სთავაზობდა.
საქართველოს კონსტიტუციის მიხედვით, სახალხო დამცველს პარლამენტი 5 წლით ირჩევს.
უჩა ნანუაშვილს უფლებამოსილების ვადა 7 დეკემბერს ეწურება.
