უფასო ბიზნეს ტრენინგები გურიის მცხოვრებლებისთვის

ტყის მერქნული და არამერქნული პროდუქტების წარმოებით, ასევე ეკო-ტურიზმის მიმართულებით დაინტერესებულ პირებს პროექტ „ECO.Georgia”-ს ფარგლებში შესაძლებლობა ეძლევათ გაიარონ ინტენსიური, უფასო სასწავლო კურსი სამეწარმეო საქმიანობის დაწყების ან/და განვითარების მიზნით.

სასწავლო კურსი მიზნად ისახავს მეწარმეობის შესახებ თეორიული და პრაქტიკული ცოდნის მიღებასა და ბიზნეს-უნარების გაძლიერებას. სწავლება მოიცავს პრაქტიკულ დავალებებსა და ბიზნეს სიმულაციებს.

სასწავლო კურსი ფარავს შემდეგ საკითხებს:

_ მეწარმეობა – იდეიდან განხორციელებამდე

_  ფინანსური წიგნიერება – (ბიუჯეტირება, შემოსავლებისა და ხარჯების ანალიზი, ფინანსურ ინსტიტუტებთან ურთიერთობა, რისკების მართვა)

_ საგადასახადო და იურიდიული საკითხები

_ მარკეტინგი, ბრენდინგი და ელ-კომერცია

_ ბიზნეს გეგმის შედგენა

_ პრაქტიკული ბიზნეს დავალებები და ბიზნეს სიმულაცია

ტრენინგების გავლა შეუძლია ყველას:

_ ვისაც აქვს სურვილი დაიწყოს ტყის მერქნული/არამერქნული პროდუქტების მოპოვება-წარმოებასთან ან/და ეკო-ტურიზმთან დაკავშირებული საკუთარი სამეწარმეო საქმიანობა.

_ ვინც უკვე ახორციელებს სამეწარმეო საქმიანობას მერქნული/არამერქნული პროდუქტების მოპოვება-წარმოების ან/და ეკო-ტურიზმის მიმართულებით, თუმცა თვლის, რომ ესაჭიროება სამეწარმეო ცოდნისა და უნარების გაუმჯობესება.

_ ვისაც აქვს სამეწარმეო გამოცდილება სხვა სფეროში, თუმცა სურს საქმიანობის დაკავშირება აღნიშნულ სფეროებთან.

ტრენინგში მონაწილეობისათვის აუცილებელია განაცხადის ფორმის შევსება, რომელიც ხელმისაწვდომია ელექტრონული და ბეჭდური სახით.

ელექტრონული განაცხადის ფორმა განთავსებულია შემდეგ ბმულზე: https://forms.gle/jzqUobDNfEGVeMFx6

ბეჭდური განაცხადის ფორმის შესავსებად დაინტერესებულ პირებს შეუძლიათ ეწვიონ ოზურგეთის, ჩოხატაურისა ან ლანჩხუთის მუნიციპალიტეტების მერიის შენობებს.

ტრენინგში მონაწილეთა რაოდენობა შეზღუდულია!

დამატებითი ინფორმაციისთვის დაგვიკავშირდით:

ტელ.: +995 32 2228018  ან მოგვწერეთ Facebook გვერდზე: SparkassenstiftungGE

სასწავლო კურსი ხორციელდება შვეიცარიის განვითარებისა და თანამშრომლობის სააგენტოს (SDC) ფინანსური მხარდაჭერით, პროექტის  „საქართველოში სატყეო სექტორის რეფორმის განხორციელების ხელშეწყობა – “ECO.Georgia”-ს ფარგლებში.
ტრენინგებს ახორციელებს გერმანული ფონდი „შპარკასე საქართველო” გერმანიის საერთაშორისო თანამშრომლობის საზოგადოების (GIZ) მხარდაჭერით.

პროექტი „ECO.Georgia” თანადაფინანსებულია კლიმატის მწვანე ფონდის (GCF), საქართველოს მთავრობის, გერმანიის ეკონომიკური თანამშრომლობის და განვითარების ფედერალური სამინისტროს (BMZ) და შვეიცარიის განვითარებისა და თანამშრომლობის სააგენტოს (SDC) მიერ.
პროექტი „ECO.Georgia” ხორციელდება  გარემოს დაცვისა და სოფლის მეურნეობის სამინისტროსა და მის დაქვემდებარებაში არსებული სააგენტოების და საქართველოს ეკონომიკისა და მდგრადი განვითარების სამინისტროს ერთობლივი ძალისხმევით.