ოზურგეთელი მძლეოსანი სოფიკო შათირიშვილი 2021 წლის ოლიმპიური თამაშების მონაწილე გახდა და ტოკიოში მიემგზავრება! _ ინფორმაციას ოზურგეთის მუნიციპალიტეტის სპორტულ–გამაჯანსაღებელ დაწესებულებათა გაერთიანება ავრცელებს.
ოზურგეთის მუნიციპალიტეტის სპორტულ-გამაჯანსაღებელ დაწესებულებათა გაერთიანების და საქართველოს ეროვნული მძლეოსნობის ფედერაციის ნაკრების მძლეოსანი, სოფიკო შათირიშვილი (მწვრთნელები: დავით მანთიძე, მარინე კოტრიკაძე) ყოველდღიურად ვარჯიშობს, რომ ტოკიოდან ოქრო მედლით დაბრუნდეს.
„უპრეცედენტო მოვლენა ოზურგეთის მძლეოსნობის ისტორიაში, გოგონა მტყორცნელი უმაღლესი რანგის, მსოფლიოს საუკეთესო სპორტსმენთა შორის იქნება და იასპარეზებს. ეს უკვე დიდი წარმატებაა!
მიხარია, რომ სოფიკომ ამხელა წარმატებას მიაღწია. პირველად მე ვირწმუნე მისი შესაძლებლობების, მოტივი მივეცი და ერთად ძალიან ბევრი ვიმუშავეთ, რომ ეს დღე დამდგარიყო.
ოლიმპიადა ყველა სპორტსმენისთვის სანუკვარი ოცნებაა, სოფიკომ ეს იცნება აიხდინა და მიხარია, რომ ამ ოცნების განხორციელებაში მეც მიმიძღვის წვლილი.
ახლა მადლობების ჯერი დადგა: მადლობა პირველ რიგში სოფიკოს, რომ ამხელა სიხარული მომანიჭონ! ასევე დიდი მადლობა მის ამჟამინდელ მწვრთნელს, ამავდროულად საქართველოს ნაკრების მწვრთნელს, დავით მანთიძეს, მართლა დაუღალავი შრომისთვის და სოფიკოს წვრთნისთვის! უღრმესი მადლობა ეროვნული ფედერაციის პრეზიდენტს, ბატონ დავით ახვლედიანს, ვიცე – პრეზიდენტს, ვასო ბერიშვილს, ბადრი ასათიანს, მარიამ იმნაძეს, მსაჯთა კოლეგიას, ყველა წარმომადგენელს…
ასევე დიდი მადლობა ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანების გენერალურ დირექტორს, გელა შაფაქიძეს თანადგომისა და მხარდაჭერისთვის.
წარმატებები სოფიკოს მნიშვნელოვან ოლიმპიადაზე, მან გურია და ოზურგეთი უნდა ასახელოს! ” – ამბობს სოფიკოს მწვრთნელი მარინე კოტრიკაძე.
ავტორი: გიორგი გირკელიძე
