USAID–ის ადგილობრივი თვითმმართველობის პროგრამასა და ჩოხატაურის მუნიციპალიტეტს შორის ხელი მოეწერა ურთიერთგაგების მემორანდუმს

ემორანდუმის ხელისმოწერის ცერემონიაში მონაწილეობა მიიღეს  შერჩეული მუნიციპალიტეტის ხელმძღვანელებთან ერთად, ჩოხატაურის საკრებულოს თავმჯდომარემ ირაკლი კუჭავამ და ჩოხატაურის მერმა დავით შარაშიძემ.

მემორანდუმის ხელისმოწერის  შემდეგ გაიმართა პანელური დისკუსია ციფრულ სერვისებსა და საკანონმდებლო ზედამხედველობის საკითხებზე.

ღონისძიება გახსნეს USAID საქართველოს დემოკრატიის, ადამიანის უფლებებისა და მმართველობის ოფისის დირექტორის მოადგილის მოვალეობის შემსრულებელმა კორინ როტბლუმმა, USAID-ის ადგილობრივი თვითმმართველობის პროგრამის ხელმძღვანელმა კევინ მაკლოკლინმა.

შეხვედრას ესწრემოდნენ გურიის მხარისა და ჩოხატაურის ადგილობრივი თვითმმართველობის ხელმძღვანელი პირები და საჯარო მოხელეები

USAID-ის ადგილობრივი თვითმმართველობის პროგრამა ხუთწლიანი ინიციატივაა,  რომელიც მიზნად ისახავს პარტნიორ მუნიციპალიტეტებში სერვისების გაუმჯობესებას, ცხოვრების ხარისხის გაზრდას და ადგილობრივი საზოგადოების გაძლიერებას.

პროგრამა ხელს შეუწყობს დიალოგს და პარტნიორობას ადგილობრივ თვითმმართველობას, მოქალაქეებს, არასამთავრობო და კერძო სექტორებს შორის, მუნიციპალური მმართველობის სისტემების, საჯარო სერვისების გაუმჯობესებისა და ადგილობრივი შემოსავლების გაზრდის მხარდასაჭერად.

USAID-ის ადგილობრივი თვითმმართველობის პროგრამა მუშაობს ადგილობრივი თვითმმართველობის დონეზე ანგარიშვალდებულების გაძლიერების მიმართულებით და მხარს უჭერს შესაბამის ცენტრალურ სახელმწიფო უწყებებს დეცენტრალიზაციის და საჯარო მმართველობის რეფორმის განხორციელებაში.

5 წლის განმავლობაში, პროგრამა იმუშავებს სულ მცირე, 22 მუნიციპალიტეტთან და უზრუნველყოფს დამატებითი მუნიციპალიტეტების ჩართვას სასწავლო, გამოცდილების გაზიარების და ინფორმაციის გაცვლა-გავრცელების აქტივობებში.

ყოვლისმომცველი, მონაცემებზე დაფუძნებული, ნეიტრალური, გამჭვირვალე და მონაწილეობით შერჩევის პროცესის შედეგად, პროგრამამ პირველ წელს შეარჩია 11 პარტნიორი მუნიციპალიტეტი საქართველოს 12 რეგიონში, მათ შორის ბათუმის, ბოლნისის, ჩოხატაურის, დმანისის, ქუთაისის, ლენტეხის, მარნეულის, მესტიის, ოზურგეთის, რუსთავის და ტყიბულის მუნიციპალიტეტები.