იცით, ვის ჰქონდა პირველი უთო?! _ გერმანელებს. 1647 წელს ისინი უკვე იყენებდნენ ლითონისგან ჩამოსხმულ, თანამედროვე უთოს ფორმის ნივთს, რომელსაც გაახურებდნენ ხოლმე ღია ცეცხლზე და აუთოებდნენ თეთრეულს.
1752 წელს გერმანელების ნოვაცია გააუმჯობესეს რუსებმა: მათ დაამზადეს პირველი ნახშირის უთო თუჯისგან. ნახშირის ნაკვერჩხლები უთოს „მუცელში“ იყრებოდა და გაცილებით უსაფრთხო იყო.
თანამედროვეობასთან მიმსგავსებული, პირველი ელექტრონული უთო ლითონისა და პლასტმასისგან დამზადდა 1933 წელს, საფრანგეთში. მას პატარა დამტენ-აკუმულატორი ჰქონდა.
2012 წელს ჰოლანდიაში უჟანგავი ფოლადისა და ფაიფურისგან დამზადდა კომფორტული და მრავალფუნქციური უთო. ის აუთოებს, ორთქლით ასწორებს და წმენდს სამოსსა და ქსოვილს. თან, არ სჭირდება ზედაპირის მოვლა და საგანგებოდ გასუფთავება.
