დაიბადა 1934 წლის 20 სექტემბერს რომში. მისი დაბადების სახელი იყო სოფია ვილანი შიკოლონე.
სოფი ლორენი პირველია ქალ მსახიობებს შორის, რომელსაც ყველაზე მეტი საერთაშორისო ჯილდო აქვს მიღებული.
სოფი ლორენის ჯილდოებს შორისაა „ოსკარი“, „ოქროს გლობუსი“, „ბაფთა“…
სოფი ლორენმა გაახმოვანა დისნეის რამდენიმე ანიმაციური პერსონაჟი.
სოფიმ კარიერა 1949 წელს დაიწყო, როდესაც სილამაზის კონკურსში მეორე ადგილი დაიკავა. მაშინ ის მხოლოდ 14 წლის იყო.
მსოფლიომ კი 1950-იან წლებში გაიცნო. როდესაც „პარამაუნტ ფიქჩერზთან“ კონტრაქტს ხელი მოაწერა, რომ ხუთ ფილმში ითამაშებდა.
1962 წელს პირველი „ოსკარი” აიღო. აღსანიშნავია, რომ მისთვის „ოსკარის“ გადაცემის შესახებ სოფი ლორენმა სახლში ყოფნისას შეიტყო. ეს გახლდათ აკადემიის მიერ უცხოენოვანი შესრულებისთვის პირველად გაცემული ჯილდო.
ლორენი მხოლოდ ერთხელ გათხოვდა და მთელი ცხოვრების მანძილზე ქმრის ერთგული დარჩა.
სოფი ცნობილ იტალიელ პროდიუსერს – კარლო პონტის პირველად 1950 წელს შეხვდა. მაშინ ის 15 წლის იყო, კარლო კი 37-ის. მათ 1957 წლიდან ერთად ცხოვრება დაიწყეს, თუმცა პონტი ჯერ კიდევ პირველ ცოლზე – ჯულიანაზე იყო დაქორწინებული, რადგან იტალიური კანონი არ აძლევდა ცოლთან განქორწინების უფლებას.
სოფის ორი ვაჟი ჰყავს – ედუარდო და კარლო.
1982 წელს გადასახადების თავის არიდებისთვის მსახიბს 30 დღით თავისუფლების აღკვეთა მიუსაჯეს. მაგრამ მან ციხეში 18 დღე გაატარა და სამაგალითო საქციელისთვის ვადაზე ადრე გამოუშვეს.
სოფი ლორენმა და კარლო პონტიმ საოცარი ცხოვრება განვლეს. მათ დევნიდნენ. ერთი პერიოდი ისინი იტალიაში ვერც კი ჩადიოდნენ, რადგანაც პონტის ორცოლიანობაში ედებოდა ბრალი, რაც კანონით ისჯებოდა.
