ჯანმრთელობის მსოფლიო ორგანიზაციის (ჯანმო) ევროპის რეგიონული ბიურო 2022 წლის 24 – 30 აპრილს ევროპის იმუნიზაციის კვირეულს აღნიშნავს. საქართველო 2007 წლიდან აქტიურად მონაწილეობს იმუნიზაციის კვირეულში.
ევროპის იმუნიზაციის კვირეულის მიზანია საზოგადოების ცნობიერების ამაღლება .კეთილდღეობისათვის. კვირეულის განმავლობაში კიდევ ერთხელ მოხდება იმუნიზაციის აქტუალობის შეხსენება და ინფორმაციის მიწოდება მოსახლეობის, მედიის, ჯანდაცვის სისტემის სპეციალისტების, პოლიტიკოსების და სხვადასხვა დაინტერესებული მხარეებისათვის.
უკვე ორ საუკუნეზე მეტია რაც ვაქცინების მეშვეობით დედამიწა უფრო უსაფრთხო ადგილი გახდა – ყვავილის საწინააღმდეგოდ შექმნილი პირველი ვაქცინიდან მოყოლებული, COVID-19-ის მძიმე შემთხვევების თავიდან ასაცილებელი უახლესი მ-რნმ ვაქცინების ჩათვლით. ვაქცინები გვიცავს როგორც ინდივიდუალურად, ასევე როგორც გლობალური საზოგადოების წევრებს, ერთმანეთის დაცვაშიც გვეხმარება.
2022 წელი გარდამტეხი მნიშვნელობისაა, რადგან ბევრი გამოწვევა გამოვლინდა. COVID-19-ის პანდემიის პირობებში რიგ ევროპულ ქვეყანაში მოხდა ვაქცინაციის პოლიტიზება და იკლო ბავშვთა რუტინული ვაქცინაციის მაჩვენებლებმა. უკრაინაში შეფერხდა იმუნიზაციის სერვისები. აუცილებელია, რომ ლტოლვილ ბავშვებს ყველგან ჰქონდეთ წვდომა მათი ასაკისთვის შესაბამის ვაქცინებზე. ეს გამოწვევები კიდევ უფრო აძლიერებს ვაქცინებისადმი უნივერსალური ხელმისაწვდომობის მნიშვნელობას. ევროპის იმუნიზაციის კვირეულის განმავლობაში ჯანმრთელობის მსოფლიო ორგანიზაცია იმუშავებს მის წევრ ქვეყნებთან და პარტნიორებთან, რათა უფრო გაზარდოს ცნობიერება ვაქცინების სარგებელზე და აცრების მაჩვენებლების შემცირებით გამოწვეულ რისკებზე.
იმუნიზაციის სახელწიფო პროგრამას საფუძველი ჩაეყარა 1996 წელს. სახელმწიფო პროგრამით 0-18 წლის ასაკის მოსახლეობის ვაქცინაცია მიმდინარეობს 13 ინფექციის – ტუბერკულოზის, დიფთერიის, ყივანახველას, ტეტანუსის, პოლიომიელიტის, ყბაყურას, წითურას, წითელას, B ჰეპატიტის, როტავირუსული ინფექციის, ადამიანის პაპილომავირუსის, პნევმოკოკური ინფექციის და ჰემოფილუს ინფლუენცა ტიპი b საწინააღმდეგო ვაქცინაცია 9 ვაქცინის საშუალებით, რომლებიც რეკომენდებული და აღიარებული ვაქცინებია, რაც მაღალი ეფექტურობისა და უსაფრთხოების გარანტია; პროგრამული ვაქცინები უფასოა მომხმარებლისთვის – ვაქცინის ღირებულებას სრულად ფარავს სახელწიფო იმუნიზაციის პროგრამის ფარგლებში. ამავე პრინციპების დაცვით სახელმწიფო ქვეყნის მოსახელობას უზრუნველყოფს გრიპის, ანტირაბიული, ყვითელი ცხელებისა და COVID-19-ის საწინააღმდეგო ვაქცინებით, ზოგიერთი დაავადების/მდგომარეობის საპროფილაქტიკო ან სამკურნალო ბიოაქტიური პრეპარატებით
საქართველოში 2021 წლის 15 მარტიდან დაიწყო COVID-19-ის საწინააღმდეგო ვაქცინაციის ეროვნული პროგრამა და დღეისათვის საქართველოში სრულად აცრილია 1 261 049 ადამიანი, რაც ზრდასრული მოსახლეობის 43,9%-ს წარმოადგენს. ამ ეტპაზე საქართველოში ხელმისაწვდომია ჯანმო-ს მიერ ავტორიზებული სამი ვაქცინა: პფაიზერი, სინოვაკი და სინოფარმი.
ვაქცინაცია სიცოცხლისათვის საშიში დაავადებებისგან დაცვის ყველაზე მნიშვნელოვანი საშუალებაა!
თქვენც შემოგვიერთდით!
(R)
