ისპანახი და მარწყვი
ეს იდეალური ვარიანტია მათთვის, ვინც რკინის ნაკლებობას განიცდის. ისპანახი დაახლოებით 3 მგ რკინას შეიცავს, რაც იდეალურად გაჯერებადია C ვიტამინთან ერთად, რასაც შეიცავს მარწყვი, ლიმონი, კივი და სხვა ხილი.
სალათი და მცენარეული ზეთი
ვინც კალორიებს ზედმიწევნით ითვლის, ნებისმიერ კერძში ცხიმზე უარს ამბობს. უმ ბოსტნეულს მიირთმევთ, მაგრამ მუცელში გამუდმებით დისკომფორტს განიცდით? ბუნებრივია, რადგან კუჭს ამდენი უჯრედისის გადამუშავება უჭირს. მცენარეული ზეთი კი სასარგებლო ნივთიერებების გაჯერებაში დაგეხმარებათ.
ბანანი და იოგურტი
კალცი რომ უკეთ გაითავისოს ორგანიზმმა აუცილებელია ის მიიღოთ ისეთ პროდუქტებთან ერთად, რომლებიც შეიცავენ ინულინს, რომლებიც ბრებიოტიკების მსგავსად მოქმედებენ. ამ ნივთიერებას შეიცავს ნიორი, ხახვი, არტიშოკი, ხორბალი და ბანანი. ყველაზე სასარგებლო შეთავსება კი იოგურტი და ბანანი იქნება.
ვაშლი და შავი შოკოლადი
ვაშლი შეიცავს კვარტიცინს, შავი შოკოლადი კი კატეჩინს. ამ ორი ანტიოქსიდანტის ერთობლიობა აუმჯობესებს გულის მოქმედებას და ათხელებს სისხლს.
მწვანე ჩაი და ლიმონი
მწვანე ჩაი მდიდარია ანტიოქსიდანტებით, რომლებიც არეგულირებენ შაქრის დონეს სისხლში და აჩქარებენ ნივთიერებათა ცვლას. მრავალრიცხოვანმა კვლევებმა დაამტკიცეს, რომ ლიმონი ჩაისგან რამდენჯერმე აუმჯობესებს სასარგებლო ნივთიერებების გაჯერებას.
კენკრა და შვრია
როგორც შვრიას, ისევე კენკრას უძლიერესი ანტიოქსიდანტური თვისებები აქვს. ეს პროდუქტები ერთად კიდევ უფრო დიდ სარგებელს იძლევიან. შვრია კენკრით სისხლში ამცირებს შაქრის დონეს და დიდიხნით ანაყრებს.
ჰუმუსი და ზეითუნის ზეთი
ჰუმუსი დიდი რაოდენობით სასარგებლო ნივთიერებებს შეიცავს, რამ ზეითუნთან ერთად სისხლში სეროტონინის, იგივე „ბედნიერების“ ჰორმონის დონეს ზრდის.
