ვერძი
ვერძების სპონტანური ხასიათის და მწვერვალების დაპყრობის უნარის გათვალისწინებით, თქვენ გჭირდებათ ვარცხნილობა, რომელიც ხელს არ შეგიშლით, დაეხმარებათ ყოველთვის ელეგანტურად გამოიყურებოდეთ.
კურო
თქვენ ძლიერი ხასიათი გაქვთ. არ გეშინიათ საკუთარი აზრის დაფიქსირება. თქვენი თავდაჯერებული მზერა თმამ არ უნდა დაფაროს. გაიკეთეთ ეფექტური მოკლე ვარცხნილობა.
ტყუპები
თქვენი სუსტი წერტილი არის მრავალფეროვნება! ერთი და იგივე იმიჯი მალე გბეზრდებათ, ამიტომ, შეგიძლიათ ცვალოთ თმის ფერი, ხოლო ორიგინალური ვარცხნილობის შესაქმნელად, თმა შეგიძლიათ „კლასიკურ ფენებად“ შეიჭრათ („კრისტინა“, „პოდიუმი“)
კირჩხიბი
კირჩხიბს ცვალებადი ხასიათი აქვს. ის ზოგჯერ ცივი და უხეშია, ზოგჯერ კი პირიქით – თბილი და ვნებიანი. თქვენი ექსცენტრიულობის მიხედვით, თმის შეღებვა „ომბრეს“ ტექნიკით იდეალურად შეგეფერებათ.
ლომი
თქვენი ლიდერული თვისებები და ძლიერი ნატურა მუდმივ მოძრაობას და აქტიურობას მოითხოვს. რთული ვარცხნილობები არ არის თქვენი. იდეალური ვარიანტი – კლასიკური ცხენის კუდია. თმის ნაწილი რეზინის ზემოდან დაიხვიეთ, რათა დამალოთ ის. მოდური და მოხერხებული ვარცხნილობა – მზადაა!
ქალწული
მომხიბვლელ ქალწულებს ქალური ვარცხნილობა მოუხდებათ. მსუბუქი ტალღები, ნაზი ლოკონები – თქვენთვისაა!
სასწორი
სასწორები მუდამ ჰარმონიის ძიებაში არიან. თქვენ მოგიხდებათ ე.წ. „პლაჟის“ ტალღები, რომელიც საუკეთესოდ წარმოაჩენს თქვენს სწრაფვას უბრალო, წყნარი ცხოვრებისკენ. ის ხაზს გაუსვამს თქვენს ხასიათს.
მორიელი
მორიელები ხშირად გარიყულები და იდუმალებით მოცულნი არიან. როდესაც ისინი გადაწყვეტენ, პუბლიკას თავისი ძლიერი ხასიათი დაანახონ, თავდაჯერებულები ხდებიან და სიტუაციას მთლიანად აკონტროლებენ. თქვენ მოგიხდებათ ნაწნავის სხვადასხვა ვარიანტები, რომელიც ხაზს გაუსვამს თქვენს ინტელექტს.
მშვილდოსანი
მშვილდოსნები ოპტიმისტები და თავისუფლების მოყვარულები არიან. თქვენ მოგიხდებათ გრძელი „ბობი“ – ეს ვარცხნილობა მოდური და პრაქტიკულია.
თხის რქა
ბევრს არ ყოფნის მოთმინება, გრძელი თმა გაიზარდოს. ეს თხის რქებს არ ეხებათ. თქვენ გაშლილი თმა გიხდებათ! ის არა მარტო მამაკაცებს იზიდავს, არამედ თმასაც აჯანსაღებს. წვეულებაზე წასასვლელად გაშლილი თმის ბოლოები ლოკონებად დაიხვიეთ.
მერწყული
მერწყულებს არ ეშინიათ კრიტიკის და საკუთარი თავის ერთგულები არიან. ხაზი გაუსვით თქვენს შემოქმედებით ნატურას თმის ფერთა თამაშის საშუალებით და ნურც თამამ ვარცხნილობებს მოერიდებით.
თევზები
თევზებს არ შეუძლიათ ტყუილი, მაგრამ ხშირად ტყუვდებიან. ისინი ინტელექტუალები და ძალიან მგრძნობიარეები არიან. თქვენ მოგიხდებათ სწორი წინამო. თმა გვერდებზე ლამაზი თმის სამაგრით დაიმაგრეთ.
