ნატალი პორტმანი – მსახიობი ვეგანის ცხოვრების წესით ცხოვრობს. აღნიშნულ საკითხს მან დოკუმენტური ჩანაწერიც მიუძღვნა სახელად – „ცხოველთა ჭამა“. ნატალი თავისი აქტივობებით ცდილობს ადამიანების ცნობიერება შეცვალოს და ხორცის ჭამა აღმაშფოთებლად მიაჩნია. მსახიობი განმარტავს, რომ ეს ცუდია ჯანმრთელობისთვის, გარემოსთვის და ეწინააღმდეგება ადამიანურ ღირებულებებს.
ვენუს უილიამსი – ჩოგბურთელი ამბობს, რომ ვეგანის ცხოვრების სტილი ჯანმრთელობის სტაბილურობას განაპირობებს.
შანია ტვაინი – მომღერალი თვლის, რომ მისი მარადიული ახალგაზრდობის მიზეზი ხორცზე უარის თქმაა.
ქეით უინსლეტი – მსახიობი წლებია ვეგეტარიანელია, არ მიირთმევს ხორცს და ასევე არასოდეს დადის იმ რესტორნებში, სადაც კერძებს ფრინველის ღვიძლისგან ამზადებენ.
ერიკა ბადუ – მომღერალი მხოლოდ მცენარეულ საკვებს მიირთმევს და მისი კვების რაციონი განსაკუთრებით მდიდარია მწვანე საკვებით. ერიკა ამბობს, რომ მთავარი რამ, რის გამოც ხორცზე უარი თქვა, ჯანმრთელობაზე ზრუნვაა. ის ამბობს, რომ ფიზიკური, გონებრივი და ასევე სულიერი სიჯანსაღისთვის გაცილებით სასარგებლოა მცენარეული საკვები.
ჟიზელ ბიუნდჰენი – ბრაზილიელ სუპერმოდელს სჯერა, რომ თუ გვინდა დედამიწაზე კლიმატის ცვლილებების პროცესი შევაჩეროთ, უფრო მეტი ადამიანი უნდა გახდეს ვეგანი. აღსანიშნავია, რომ ჟიზელის მეუღლე, ტომ ბრედიც უკვე წლებია ხორცზე უარს ამბობს და ამბობს, რომ ასე თავს გაცილებით უკეთ გრძნობს.
ჯენა დიუანი – მსახიობი ამბობს, რომ 10-11 წელია ვეგეტარიანელია. გადაწყვეტილება მას შემდეგ მიიღო, რაც ნახა დოკუმენტური ფილმი ცხოველთა სასაკლაოს შესახებ. ჯენა ამბობს, რომ მას შემდეგ, რაც ხორცის ჭამაზე უარი თქვა, მისი კანი უფრო გაჯანსაღდა, თავს უფრო ენერგიულად გრძნობს და თვლის, რომ მისი გონება გაცილებით კარგად მუშაობს.
ჯესიკა ჩესტეინი – მსახიობი 2007 წლიდან ვეგეტარიანელია. 2012 წელს მან ყველაზე სექსუალური ვეგეტარიანელის ჯილდოც კი მიიღო.
ელენ პეიჯი – კანადელი მსახიობი წლებია სხვადასხვა აქტივობებით ცდილობს ცხოველებისა და გარემოს დაცვას. 2014 წელს მან ყველაზე სექსუალური ვეგეტარიანელის ჯილდო მიიღო.
რუბი როუსი – ის ცდილობს ვეგანური ცხოვრების სტილით იცხოვროს და სოციალურ ქსელებში თავის გამომწერებს ხშირად უზიარებს ამ კუთხით პირად გამოცდილებას და იმას, თუ რა შეიცვალა მის ცხოვრებაში ხორცზე უარის თქმის შემდეგ.
მაილი საირუსი – 2014 წელს, როცა მომღერლის ძაღლი მოკვდა, მან გადაწყვიტა, რომ უარი ეთქვა ხორცის ჭამაზე. მაილი საკითხთან დაკავშირებით ხშირად უზიარებს თავის შეხედულებებს გამომწერებს „ინსტაგრამზე“.
არიანა გრანდე – პოპ-ვარსკვლავმა ბავშვობიდანვე უარი თქვა ხორცზე ცხოველთა მიმართ განსაკუთრებული სიყვარულის გამო. 2013 წელს კი ვეგანი გახდა. „ცხოველები ბევრ ადამიანზე უფრო მეტად მიყვარს, არ ვხუმრობ“, – ამბობს არიანა.
