“ვგმობთ ღარიბაშვილის ცრუ განცხადებას, რომ ევროპარლამენტს საქართველოს ომში ჩათრევა სურს”

ევროპის პარლამენტის სოციალისტთა და დემოკრატთა პროგრესული ალიანსი გმობს პრემიერ-მინისტრის, ირაკლი ღარიბაშვილის ევროპარლამენტის მიმართ გაკეთებულ განცხადებას, რომ დასავლეთს საქართველოს ომში ჩათრევა სურს.

“ჩვენ უარვყოფთ ცრუ, მავნე განცხადებას, რომელიც საქართველოს პრემიერმინისტრმა, ირაკლი ღარიბაშვილმა კვირას ქართულ ტელევიზიაში მიცემულ ინტერვიუში გააკეთა, რომლის თანახმად, ევროპარლამენტს სურს საქართველოს ჩათრევა რუსეთის ომში უკრაინის წინააღმდეგ”. – წერს ევროპარლამენტში ქართული ოცნების პარტნიორი პარტია.

S&D ვიცე-პრეზიდენტმა საგარეო საქმეთა საკითხებში პედრო მარკესმა თქვა:

„ჩვენ ვგმობთ პრემიერ ღარიბაშვილის მცდარ განცხადებებს ევროპარლამენტის მიმართ. ევროკავშირის მხარდაჭერა უკრაინის, საქართველოსა და მოლდოვას მიმართ არ უნდა თამაში ერთმანეთის წინააღმდეგ. უკრაინის წინააღმდეგ აგრესიული ომი აწარმოა რუსეთმა და მოითხოვს ჩვენს ერთიანობას, ურყევ ერთგულებასა და მონდომებას, რათა დავიცვათ მშვიდობა, უსაფრთხოება და კეთილდღეობა ხალხისთვის უკრაინაში, ასევე ევროპაში.

გასულ წელს ქართველმა ლიდერებმა განაცხადეს თავიანთი მტკიცე გადაწყვეტილება ევროპულ რეფორმებთან დაკავშირებით, როდესაც უკრაინასა და მოლდოვასთან ერთად წარადგინეს განაცხადი ევროკავშირში გაწევრიანებაზე. მათ ახლა ეფექტურად და ცალსახად უნდა აჩვენონ ეს პოლიტიკური გადაწყვეტილება დემოკრატიის, კანონის უზენაესობისა და ფუნდამენტური თავისუფლებების სფეროებში აუცილებელი რეფორმების განხორციელებით.

ევროპარლამენტი ყურადღებით აკვირდება პოლიტიკურ მოვლენებს პარტნიორ ქვეყნებში, განსაკუთრებით მაშინ, როდესაც ისინი ევროკავშირის პერსპექტიული წევრები არიან. ის ასევე მხარს უჭერს მათ დემოკრატიულ რეფორმებს პარლამენტის შესაძლებლობების განვითარების კუთხით თანამშრომლობის გზით.

ჩვენ S&D-ები ყოველთვის გვერდში ვიქნებით იმ ადამიანების გვერდით, რომლებიც იცავენ დემოკრატიას, ხელს უწყობენ დემოკრატიულ რეფორმებს და ისწრაფვიან თავიანთი ევროპული მისწრაფებების ასრულებას. ჩვენ მხარს ვუჭერთ ქართველ ხალხს, რომელმაც გასულ კვირას გააპროტესტა რუსული კანონი „უცხოური აგენტების“ შესახებ. ამგვარმა კანონმა უკვე დათრგუნა  სამოქალაქო საზოგადოება და კრიტიკული აზრი რუსეთში ბოლო ათწლეულის განმავლობაში. ასეთ კანონს ადგილი არ აქვს ევროკავშირში გაწევრიანების მსურველ ქვეყანაში.

ჩვენ მივესალმებით იმ ფაქტს, რომ საქართველოს პარლამენტმა მოუსმინა თავის ხალხს და ჩააგდო კანონპროექტი. ჩვენ მოვუწოდებთ საქართველოში ყველა პოლიტიკურ პარტიას ერთობლივად იმუშაონ ევროკავშირთან დაკავშირებულ აუცილებელ რეფორმებზე, რათა საქართველომ – რაც შეიძლება მალე შეასრულოს ევროკომისიის და საბჭოს მიერ დადგენილი პირობები ევროკავშირის წევრობის კანდიდატის სტატუსის მინიჭებისთვის.“