რამდენიმე დღეში, 17 დეკემბერს, საკუთარ სტადიონზე, „ნაპოლი“ ამხანაგურად ესპანურ „ვილიარეალს“ დაუპირისპირდება. მატჩის წინ „ვილიარეალის“ მცველი რაულ ალბიოლი გამოცემას „La Gazzeta dello Sport“ ესაუბრა და როგორ იქნებოდა ხვიჩა კვარაცხელიაზეც ერთი–ორი სიტყვა არ ეთქვა:
“მე კვარაცხელიას თამაში 2021 წელს მსოფლიო ჩემპიონატის საკვალიფიკაციო მატჩში ვნახე ესპანეთის წინააღმდეგ. მან პირველი გოლი გაიტანა და ძალიან კარგად ითამაშა, თუმცა ჩვენ ოლმოს გოლით მაინც მოვიგეთ. კვარამ მე გამაოცა. ფანტასტიური ფეხბურთელია და მისი ღირებულება გაიზრდება“.
საფრანგეთში დიდი სარაგბო სკანდალი აგორდა. ამ ქვეყნის რაგბის კავშირის ხელმძღვანელს, ბერნარდ ლაპორტს კორუფციის ბრალდებით ორწლიანი პირობითი პატიმრობა და 75 000 ევროიანი ჯარიმა დაეკისრა.
ლაპორტი ბრალდებულად ცნეს აქტივების უკანონოდ მითვისებაში, მათ შორის საფრანგეთის ეროვნული ნაკრების მაისურების შეძენაში, რა დროსაც მან 1.5 მილიონი ევრო მიითვისა. ცნობილი გახდა რომ უახლოესი ორი წლის განმავლობაში ლაპორტი ყველანაირი სარაგბო აქტივობიდან მოიკვეთა.
გუშინ, იტალიურმა გამოცემამ „Gazzetta di Reggio“ გაავრცელა ცნობა, რომ საკალათბურთო კლუბი „რეჯო ემილია“ დიდი ალბათობით საქართველოს ნაკრების მოთამაშე ბექა ბურჯანაძეს დაითხოვს.
„რაც კლუბმა კონტრაქტი გაუფორმა ამერიკელ მცველ არ ჯეი ნემბჰარდს, გასაძლიერებელი კიდევ ერთი პოზიციაა. საუბარია მძიმე ფორვარდზე, რადგანაც ქართველმა კალათბურთელმა ბექა ბურჯანაძემ მოლოდინი ვერ გაამართლა. მძიმე ტრავმის მოშუშების შემდეგ, ის ძველებურად თამაშს ვერ ახერხებს. ორთვიანი გამოსაცდელი ვადის ნახევარი უკვე გასულია და „რეჯო ემილიას“ შეუძლია ცვლილება განსაკუთრებული ფინანსური დანაკარგების გარეშეც განახორციელოს. გუნდის ახალი მთავარი მწვრთნელი დუშან საკოტა ამაზე უკვე ფიქრობს,“ – დაიწერა იტალიურ გამოცემაში.
გერმანული მედიის მტკიცებით, მიუნჰენის „ბაიერნის“ ხელმძღვანელობა ტრავმირებული მანუელ ნოიერის შემცვლელად ხორვატიის ნაკრების მეკარე დომინიკ ლივაკოვიჩზე ფიქრობს.
ლივაკოვიჩს ზაგრების „დინამოსთან“ ხელშეკრულება 2024 წლამდე აქვს გაფორმებული. მსოფლიოს ჩემპიონატის დაწყებამდე მისი ფასი დაახლოებით 8,5 მილიონი ევრო იყო, თუმცა მუნდიალზე ლივაკოვიჩმა თავი გამოიჩინა და ბუნებრივია რომ ხორვატული კლუბი მეტს მოითხოვს.
გუშინ, ბრაზილიის ფეხბურთის კონფედერაციამ გაავრცელა განცხადება, რომ ნაკრების ახალი მთავარი მწვრთნელის ვინაობა 2023 წლის იანვრამდე ცნობილი არ იქნება.
კონფედერაციის პრეზიდენტი ედნალდო როდრიგესი პირადად არის დაკავებული ახალი მწვრთნელის მოძებნით და ჯერჯერობით, შეთანხმება არცერთ სპეციალისტთან მიღწეული არ აქვს.
ეროვნულ გუნდს რამდენიმე მწვრთნელი დაუკავშირეს, მათ შორის, კარლო ანჩელოტი, ჟორჟე ჟეზუში და აბელ ფერეირა. დასახელდა რამდენიმე ბრაზილიელი სპეციალისტის გვარიც.
გუშინ, „ალ–ნასრის“ მთავარმა მწვრთნელმა რუდი გარსიამ კრიშტიანუ რონალდუს შესახებ ისაუბრა:
„კრიშტიანუზე ვერაფერს ვიტყვი, რადგან წინააღმდეგ შემთხვევაში მაშინვე გაჩნდება სათაურები: „გარსია რონალდუზე“. რასაც მე ვხედავ, ეს ყველაფერი საპნის ოპერაა, მაგრამ „ალ–ნასრი““ პოპულარიზაციისთვის მნიშვნელოვანია.
ვფიქრობ, ნებისმიერი მწვრთნელი სიამოვნებით გაწვრთნიდა ისეთ დიდ ვარსკვლავს, როგორიც კრიშტიანუა და 2021 წლის ნოემბერში ამასთან ძალიან ახლოს ვიყავი, როდესაც „მანჩესტერ იუნაიტედში“ მუშაობის დაწყების შესაძლებლობა მქონდა,“ – განაცხადა რუდი გარსიამ.გარსიამ.
კრიშტიანუ რონალდუს „ალ–ნასრში“ შესაძლო ტრანსფერზე საუბარი აქტიურად მიმდინარეობს, მაგრამ ფეხბურთელმა უარყო ინფორმაცია იმის შესახებ, რომ საუდელებთან შეთანხმებას მიაღწია.
ავტორი
