ორგანიზაცია „ახალგაზრდა ადვოკატები“, სამართლიანობის აღდგენის პროცესში არსებული გახმაურებული საქმეების მიმართ, მთავრობის სამინისტროების მოქმედებებისა და პასუხისმგებლობის საკითხის დასმას „ქართული ოცნება – დემოკრატიული საქართველოს“ პოლიტსაბჭოს სხდომის ფორმატში მოითხოვს. ორგანიზაციამ აღნიშნულის შესახებ წერილით მმართველი პარტიის პოლიტიკურ საბჭოს უკვე მიმართა.
„ახალგაზრდა ადვოკატების“ განცხადებით, სისტემური დანაშაულებების პროცესში ჩადენილი უკანონო მოქმედებების აღმოფხვრა სასამართლო ხელისუფლებასთან ერთად, აღმასრულებელი ხელისუფლების პრეროგატივაა.
„წარსულში საკუთრების უფლების შელახვისა და ქონებების დათმობის სამართალწარმოების პროცესში აქტიურ მონაწილეობას იღებდდნენ სხვადასხვა სამინისტროს უფლებამოსილი პირები. დღეს ქონებაჩამორთმეულთა საქმეებზე მოპასუხე მხარეს კვლავ აღნიშნული სამინისტროები წარმოადგენენ, მათი მიდგომები და იურიდიული პოზიციები კი პირდაპირ ეწინააღდმეგება მმართველი პოლიტიკური პარტიის საარჩევნო პროგრამით მოსახლეობის მიმართ აღიარებულ ვალდებულებებს და პოლიტიკურ ნებას სამართლიანობის აღდგენის პროცესის უზრუნველყოფასთან დაკავშირებით. ორგანიზაცია მოითხოვს, ამ თვალსაზრისით, მმართველი პოლიტიკური პარტია დაინტერესდეს, თუ რა პოზიციები უჭირავს საქართველოს ეკონომიკისა და მდგრადი განვითარების სამინისტროს, რომელის მოქმედებებიც პოლიტიკური საბოტაჟის ნიშნებს ატარებს“, _ აცხადებენ ორგანიზაციაში.
მათივე განცხადებით, მმართველი პოლიტიკური პარტიის პოლიტიკური საბჭოს განხილვის საგანი უნდა გახდეს მოქალაქე როლანდ ბლადაძის ჩამორთმეულ ქონებაზე საქართველოს ეკონომიკისა და მდგრადი განვითარების სამინისტროს, მინისტრ გიორგი გახარიას და სამინისტროს იურიდიული დეპარტამენტის წარმომადგენელთა პოზიციები.
ორგანიზაცია აღნიშნავს, რომ პოლიტიკური საბჭოს განხილვის საგანი უნდა გახდეს, რატომ არ სრულდება საქმეზე საქართველოს მოქმედი პრემიერ-მინისტრის, გიორგი კვირიკაშვილის სამინისტროს მიმართ გაცემული მითითებები და საქმეში წარმოდგენილი მორიგების აქტის პროექტი.
„როლანდ ბლადაძემ სამართლებრივი მოქმედებებით სამინისტროსთან ვერც შეხვედრას მიაღწია და ვერც საკითხის გარკვევას, რატომ ილახება ადამიანის უფლებები წართმეული ქონების დაბრუნებაზე, რა პოლიტიკური მოსაზრებით არ ხდება სამინისტროს მზადყოფნა აღსრულდეს საქართველოს მთავრობის განკარგულების პროექტი, რომლითაც ქონება როლანდ ბლადაძის ოჯახს უნდა დაბრუნებოდა, რა მოსაზრებებით არ წარმართავს მოლაპარაკებას სამინისტრო დავის კიდევ ერთ მხარესთან – საქართველოს საკონსტიტუციო სასამართლოს ყოფილ თავმჯდომარე გიორგი პაპუაშვილთან და მხედველობაში არ იღებს გარემოებას, როდესაც ბატონი გიორგი პაპუაშვილი და ბატონი როლანდ ბლადაძე, ერთობლივად და ცალკ-ცალკე, გამოთქვამენ ფაქტობრივ მზადყოფანს არსებულ საქმეზე საერთო ინტერესების მქონე გადაწყვეტილების მისაღებად“, _ აცხადებენ „ახალგაზრდა ადვოკატები“.
ორგანიზაცია აღნიშნავს, რომ „ვინაიდან საქმეზე დასაძლევია პოლიტიკური კონტექსტი, რომლითაც მიზანმიმართულად ილახება ყველა მხარის საჯარო და კერძო ინტერესი, საკითხის სერიოზულობიდან გამომდინარე, სამინისტროს და მინისტრის არაორდინალური მიდგომები, განხილულ უნდა იქნეს მმართველი პოლიტიკური პარტიის პოლიტიკური საბჭოს ფორმატში“.
მათივე ცნობით, სწორედ წინა ხელისუფლების მოღვაწეობის დროს, მოქმედებების შედეგად იქნა მიღებული კანონსაწინააღმდეგო გადაწყვეტილებები.
„როლანდ ბლადაძეს ქონება არარსებული დანაშაულის ჩადენის მოტივით ჩამოართვეს, სახელმწიფო საკუთრებაში აღრიცხეს, 2007 წლის ივნისში კი, ყოფილი პრეზიდენტის, მიხეილ სააკაშვილის განკარგულებით, სიმბოლურ ფასად, 1000 ლარად, გიორგი პაპუაშვილს გადაეცა. როლანდ ბლადაძე 2013 წლის აპრილში, აჭარის ა/რ პროკურატურამ უდანაშაულოდ სცნო, თუმცა საქართველოს მთავრობამ ამ დრომდე ვერ შეძლო მოქალაქის მიმართ სამართლიანობის აღდგენა, გიორგი პაპუაშვილის მიმართ ალტერნატიული ფართის შეთავაზება და ჩამორთმეული ქონების როლანდ ბლადაძისთვის დაბრუნება“,_ ნათქვამია ორგანიზაციის განცხადებაში.
ამავე თემაზე:
რა კითხვებს აჩენს გიორგი პაპუაშვილის სადაო ქონების საქმეზე გადაწყვეტილების გამოუცხადებლობა
ყოფილი მოსამართლის სადაო ქონება _ მხარეები გადაწყვეტილების მოლოდინში
სასამართლომ გიორგი პაპუაშვილის საწინააღმდეგო მტკიცებულება საქმეს დაურთო _”ახალგაზრდა ადვოკატები”
“ეკონომიკის სამინისტრო უფრო ახლოს დგას გიორგი პაპუაშვილთან, ვიდრე სამართლიანობის აღდგენის პროცესთან”
სამ მოსამართლეს შესაძლო კორუფციულ სამართალდარღვევაში ადანაშაულებენ
რაზე უთხრა გიორგი პაპუაშვილს უარი თბილისის საქალაქო სასამართლომ
მორიგების აქტზე თანხმობას მხოლოდ გიორგი პაპუაშვილი აფერხებს -“ახალგაზრდა ადვოკატები”
გიორგი პაპუაშვილის სადაო ქონებაზე სახელმწიფოსთან მორიგება 8 ივლისამდე უნდა შედგეს
რა გარიგებას დებს გიორგი პაპუაშვილი სადაო ქონებასთან დაკავშირებით
“ამის შესახებ საკონსტიტუციო სასამართლოს თავმჯდომარემ არაფერი იცის”
გადაარჩინეთ ქართული მართლმსაჯულება! –”ახალგაზრდა ადვოკატები” ომბუდსმენს მიმართვენ
საკონსტიტუციო სასამართლოს თავმჯდომარეს პროკურატურაში უჩივლეს
ვინ აწვდის ცალმხრივ ინფორმაციას საზოგადოებას პაპუაშვილის სადაო ქონებაზე
გიორგი პაპუაშვილის ქონება დააყადაღეს
პროკურატურაში, საკონსტიტუციო სასამართლოს თავმჯდომარის ქმედებაზე, გამოძიება მიმდინარეობს
“ამ ადამიანებმა უნდა უჩივლონ სახელმწიფოს და არა გიორგი პაპუაშვილს”
“ახალგაზრდა ადვოკატების” მიმართვა პრეზიდენტ მარგველაშვილს
ვენეციის კომისია “ახალგაზრდა ადვოკატების” კვლევას ეხმაურება
