ბავშვთა დაცვის დღეს მიეძღვნა საჭადრაკო ტურნირი, რომელიც გურიის ჭადრაკის ფედერაციისა და ოზურგეთის სპორტულ–გამაჯანსაღებელ დაწესებულებათა გაერთიანების ერთობლივი ორგანიზებით გაიმართა.
მასში წარმოდგენილი 15 ბავშვიდან, ნაწილს მიღებული ჰქონდა სატურნირო ნათლობა, ნაწილიც პირველად ცდიდა ძალებს ოფიციალურ ღონისძიებაში.
მისასალმებელია, რომ ბავშვები დიდი ინტერესით ჩაერთენ შეჯიბრებაში და მოჭადრაკისათვის საჭირო ჩვევებიც კარგად გამოავლინეს.
შეჯიბრებას, რომელიც წრიული სისტემით გაიმართა, საკმაოდ ბევრი გულშემატკივარი ჰყავდა, რომლებიც სატურნირო ცხრილში მდგომარეობის დინამიკას დიდი ინტერესით ადევნებდნენ თვალ.,
მიუხედავად იმისა, რომ ხშირი იყო ცალკეულ პარტიებში, სიჩქარის გამო დაშვებული შეცდომები, მოჭადრაკეთა უმეტესობამ საკმაოდ გააზრებული თამაში აჩვენა. პირველ რიგში, ეს შეილება ითქვას ანდრია ცერცვაძეზე, რომელმაც 12 შესაძლებლობიდან 11 ქულით, აბსოლუტური პირველი ადგილი დაიკავა.
მეორე ადგილზე 10 ქულით, ლიკა ღლონტი გავიდა (მან გოგონებში პირველი ადგილი დაიკავა), რომელმაც დინჯი თამაშით უკან ჩამოიტოვა ძირითადი მეტოქეები.
ტურნირში განსაკუთრებულ ყურადღებას იქცევდა 7 წლის ლაზარე ჩხარტიშვილის თამაში, რომელიც დღითიდღე იმაღლებს სათამაშო კლასს _ მან 9,5 ქულით მესამე ადგილი დაკავა, რაც მის მწვრთნელს (გ. გოგოლაური) არ გაკვირვებია.
8-8 ქულით, მე-4-5 ადგილებზე ერეკლე ანდღულაძე და მარიამ გირკელიძე (გოგონებში მეორე) გავიდნენ. ეს შედეგი ორივესთვის აშკარად წინ გადადგმული ნაბიჯია. განსაკუთრებით მარიამისთვის, რომელმაც, როგორც ჩანს, დასძლია შინაგანი დაძაბულობა და ლაღი თამაშით შედეგსაც მიაღწია.
თავის ასაკისათვის კარგი შედეგი აჩვენეს ნიკა ცომაიამ და რომან დოლიძემ, კარგი სათამაშო პრაქტიკა მიიღეს ვაჩე გოგუაძემ, ოთარ გოგოტიშვილმა, გეგა აროშიძემ, ანდრია მეგრელიშვილამა და ნიკა გალუსტაშვილმა.
იმედის მომცემ, ნიჭიერ ბავშვებზე საუბრისას არ უნდა გამოგვრჩეს 7 წლის ნინია გოგუაძე, _ მართალია, მან სიჩქარის გამო საკმაო ქულები დაკარგა, მაგრამ მისი გაბედული და მახვილ გონივრული თამაში მაინც იმსახურებს ქებას.
ღონისძიების ფარგლებში, ძირითადი ტურნირის გარეთ, გაიმართა გამოცდილი და რეიტინგიანი გიორგი ღლონტისა და ანდრია კიკაბიძის შეხვედრა, რომელშიც ანდრიამ 2,5-1,5-ით მოიგო. კარგია, რომ გიორგი, რომელიც კარგა ხანია, ტურნირებში არ მონაწილეობდა , სათამაშო კლასს ინარჩუნებს და იმედია, მომავალში, მის ამაღლებაზეც იზრუნებს.
ღონისძიება საზეიმო ვითარებაში დაიხურა. ყველა მონაწილე დააჯილდოვა შესაბამისი დიპლომებით და საჩუქრებით.
ჭადრაკის დიდმა გულშემატკივარმა ზაურ დოლიძემ, მის მიერ, ყველაზე პატარა და წარმატებული მოჭადრაკისათვის დაწესებული პრიზი, ლაზარე ჩხარტიშვილს გადასცა.
