მერწყული
მერწყული მეგობრულ ზოდიაქოს ნიშნად მიიჩნევა, მაგრამ სინამდვილეში, მათ მეგობრების მიმართ ეგოისტური დამოკიდებულება აქვთ. მათ გამოყენებაზე არიან ორიენტირებულნი და მხოლოდ საკუთარ თავზე ფიქრობენ. ამავდროულად, მერწყულებს უჭირთ ადამიანების ნდობა და გამუდმებით მოითხოვენ, რომ დაუმტკიცოთ, რამდენად სანდო ხართ. ეს კი ძალიან დამღლელია.
ვერძი
ვერძი საუკეთესო მეგობარი ნამდვილად არ არის. ის პირველ რიგში საკუთარ საჭიროებებზე ფიქრობს და მეგობრებსაც საჭიროების მიხედვით ირჩევს. ის არ აცდის სხვებს თავის გამოხატვას და ცდილობს, საკუთარი აზრი მეგობრებს თავს მოახვიოს. როგორც წესი, არ ინტერესდება სხვების აზრით და დამოკიდებულებით.
ტყუპები
ზოდიაქოს ამ ნიშნის ადამიანებთან მეგობრული ურთიერთობის ჩამოყალიბება რთულია. მართალია, მათგან ბევრ რამეს ისწავლით და ძალიან ჭკვიანები არიან, მაგრამ ურთიერთობაში ისინი დამცინავ ტონს არ იშორებენ და მუდამ ცდილობენ გაჩვენონ, რომ თქვენზე უკეთესები არიან. მათ გვერდით თვითშეფასება გიქვეითდებათ. ასევე, ისინი ხშირად იცვლიან მეგობრებს და ერთი შეცდომის გამო შეუძლიათ სამუდამოდ დაგემშვიდობონ.
კირჩხიბი
კირჩხიბები საოცრად ემოციური ადამიანები არიან. მათ სჩვევიათ მუდამ წუწუნი, გამუდმებით ნეგატივზე არიან კონცენტრირებულნი, რაც ტოქსიკურ მეგობრებად აქცევთ. ვერასდროს მიხვდებით როგორ ხასიათზეა. შეიძლება მოულოდნელად საშინელი რისხვა დაგატეხოთ თავს და თან ისე, რომ ვერ მიხვდებით რა დააშავეთ. ამიტომაც, მათთან მეგობრობა ძალიან რთულია. თერაპევტის როლი ერთ დღეს ყველას ბეზრდება.
მორიელი
ზოდიაქოს ამ ნიშნის ადამიანები ძალიან ეჭვიანები არიან და გამუდმებით გამოწმებენ. არ გენდობიან, რაც ურთიერთობაზე უარყოფითად აისახება. მორიელს ეჭვიანობა არ აძლევს ნებას, რომ ბედნიერი იყოს. ისინი არ არიან ემოციურად სტაბილურები, ამიტომაც, ასტროლოგების თქმით, სამეგობროდ არც ისე სასიამოვნო ადამიანები არიან.
ავტორი
