შვეიცარიის ქალაქ ნინოში, უეფას შტაბინაში, ამ წუთებში ქალთა ჩემპიონთა ლიგის 1/16 ფინალის კენჭისყრა მიმდინარეობს.
„ლანჩხუთის“ სავარაურო მეტოქეები წინასწარი კენჭისყრით ოთხამდე შემცირდა. ჩვენებურები მე-2 კალათში მოხვდნენ. თითოეულ კალათაში 4 განთესილი და 4 განუთესავი გუნდია. სულ რამდენიმე წუთში გაირკვევა თუ როგორ დაწყვინდებიან გუნდები. მე-2 კალათა ასე გამოიყურება: ოთხ განთესილს შორის ყველაზე ძლიერი გერმანული „ვოლსბურგია“, რომელმაც წინა გათამაშების ფინალი ითამაშა. გერმანელები 114 სარეიტინგო ქულით UEFA-ს რეიტინგში მე-2 ადგილზე იმყოფებიან. ჩვენი გოგონების კიდევ ერთი პოტენციური მეტოქე ნორვეგიული „როსენგარდია“, რომელიც 59 ქულით მეცხრე ადგილს იკავებს. რეიტინგში გვერდიგვერდ იმყოფება ამ კალათის კიდევ ორი გუნდი, ნორვეგიული „ლსკ კვინერ“ და ყაზახური „ბიიკ-კაზიგურტ“ (მე-13- მე-14 ადგილი).
გათამაშების ეს ეტაპი უკვე ორ მატჩიან დაპირისპირებისგან შედგება და ცნობილია ისიც, რომ ვინც არ უნდა იყოს „ლანჩხუთის“ მეტოქე, პირველი თამაშს სახლში ვითამაშებთ 9 ან 10 დეკემბერს, ხოლო განმეორეთი მატჩი 15 ან 16 დეკემბერს გაიმართება.
