მაისში, ქალაქ ოზურგეთის ყველაზე დიდ საარჩევნო ოლქში (60/01/03), რომელშიც რაიცენტრალური, სერი, ექადია, ცენტრი 3 და ანასეული შედის შუალედური არჩევნები უნდა ჩატარდეს.
ამ უბნების მოსახლეობამ მუნიციპალიტეტის საკრებულოს გამოკლებული (გარდაცვლილი) წევრის, ლევან თოიძის ნაცვლად ახალი წევრი უნდა აირჩიოს.
როგორც “გურია ნიუსისთვის” ექსკლუზიურად გახდა ცნობილი მმართველმა გუნდა კანდიდატი უკვე შეარჩია _ ჩვენი წყაროს თქმით, “ქართულმა ოცნებამ” პრაიმერი ჩაატარა, რის შედეგადაც გადაწყდა, რომ ისინი კანდიდატად ბავშვთა ცნობილ ექიმს, დავით მდინარაძეს დააყენებენ, რომელიც ერთხელ უკვე იყო ოზურგეთის მუნიციპალიტეტის საკრებულოს დეპუტატი.
ჩვენი ინფორმაციით, მდინარაძის საარჩევნო შტაბს “ქართული ოცნების” ოზურგეთის საოლქო ორგანიზაციის თავმჯდომარე მერაბ ჭანუყვაძე უხელმძღვანელებს.
ამ თემაზე მმართველ პარტიაში ოფიციალურ კომენტარს ჯერ არ აკეთებენ.
