გავრცელებული ინფორმაციით, კახეთში, სასტუმრო “ყვარლის ტბაში” რუსეთის საგარეო საქმეთა მინისტრის, სერგეი ლავროვის ოჯახის წევრს ქორწილი აქვს დაგეგმილი. მისი სიძის ძმა საქორწინო ცერემონიას 70-მდე სტუმართან ერთად გეგმავს.
არსებული ინფორმაციით, სასტუმროში იმყოფება სერგეი ლავროვის შვილი და მისი მეუღლე, რომლებიც ევროკავშირის მიერ არიან სანქცირებული. აქვე აღსანიშნავია, რომ სასტუმროს ადმინისტრაციამ განცხადება გაავრცელა, რომლითაც ლავროვის შვილის სტუმრობა უარყო.
ყვარელში დილიდან,პოლიტიკოსების და სამოქალაქო აქტივისტების მიერ იმართება აქცია, სადაც სპეცრაზმი და პოლიციაა მობილიზებული. აქციის მონაწილეები მოითხოვენ რუსმა სტუმრებმა დატოვონ საქართველო. ადგილზე სიტუაცია რამდენჯერმე დაიძაბა, დაკავებულია რამდენიმე აქტივისტი.
საჯარო რეესტრის ამონაწერის თანახმად, სასტუმრო, სადაც რუსეთის მოქალაქეების ქორწილი უნდა გაიმართოს, რეგისტრირებულია როგორც შპს “ყვარელი პალასი”, რაც თავის მხრივ ფლობს შპს “აგროგანვითარება”.
სასტუმროს მეწილეები არიან:
ანდრო გეგენავა – 16.15%
ივანე ნიკოლაიშვილი – 23%
გიორგი ჩუბინიშვილი – 23%
არჩილ გეგენავა – 37.85
შპს-ის დირექტორია – ლევან ვაშაკიძე
აღსანიშნავია, რომ ყვარლის ტბის რეიტინგი booking-ზე დაეცა,პროტესტის ნიშნად მომხმარებლები ცუდ შეფასებას უწერენ.
წყარო: knews.ge
