ტყუპები
ტყუპები შესანიშნავი კომუნიკაციითა და თავდაჯერებულობით ხასიათდებიან. ისინი მიზნების მიღწევას მიჩვეულები არიან და შეუძლიათ, საკუთარ შესაძლებლობებში სხვებიც დაარწმუნონ. თებერვლის დასაწყისში ზოდიაქოს ამ ნიშნის წარმომადგენლები ირგვლივმყოფებისაგან განსაკუთრებულ ყურადღებას იგრძნობენ და ბევრ საკითხს გაცილებით მარტივად გადაწყვეტენ, ვიდრე ეს აქამდე ხდებოდა. თებერვალში თქვენი გეგმები რეალობად იქცევა, ფინანსებთან დაკავშირებით პრობლემები არ შეგაწუხებთ და ყოველი ახალი წამოწყება მნიშვნელოვან მოგებას მოგიტანთ.
თებერვალში საკუთარ თავშიც იგრძნობთ ტრანსფორმაციას და აღმოაჩენთ, რომ მეგობრებს, საყვარელ ადამიანებს ბევრად უფრო მეტ ყურადღებას უთმობთ, ვიდრე აქამდე. ნუ შეგეშინდებათ თამამი გადაწყვეტილებების. ასტროლოგების თქმით, თებერვლის თვე ყველა შანსს გაძლევთ, რომ ძალიან დიდ წარმატებას მიაღწიოთ, განვითარდეთ პროფესიულადაც და პიროვნულადაც.
კირჩხიბი
კირჩხიბებისთვის ოჯახი და საყვარელი ადამიანების საჭიროებები ყოველთვის პრიორიტეტული იყო. თებერვლის თვეში მათ განსაკუთრებულ მხარდაჭერას იგრძნობთ და მოტივაცია მოგეცემათ, რომ დასახულ მიზნებს მიაღწიოთ. ასტროლოგების თქმით, ეს თვე თქვენი პიროვნული განვითარებისათვის ძალიან მნიშვნელოვანია. საზოგადოების წინაშე ბევრად უფრო ძლიერ და თავდაჯერებულ ადამიანად წარსდგებით და პატივისცემასაც დაიმსახურებთ. ახლა თქვენი ნიჭი და პოტენციალი დაფასდება და კარგ ჯილდოს მიიღებთ.პირად ურთიერთობებში შესაძლოა, თვის დასაწყისში გარკვეული სირთულეები შეგხვდეთ, მაგრამ მალევე მიხვდებით, რომ საგანგაშო არაფერია და მდგომარეობის დასტაბილურებას კვლავ შეძლებთ.
თებერვალი თქვენთვის ახალი ნაცნობობის, სიყვარულის, დაწინაურების, მდგომარეობის გაუმჯობესებისა და პროგრესის თვეა, ამიტომ შანსი ხელიდან არ გაუშვათ.
სასწორი
თებერვალში ნამდვილ სიყვარულს შეხვდებით, რომელიც ბევრ სასიამოვნო დღეს გაჩუქებთ და უამრავ კარგ თავგადასავალს შეგიქმნით. ზოგადად, ამ თვეში თქვენთვის პრიორიტეტული პირადი ურთიერთობები იქნება. იგრძნობთ ენერგიის მოზღვავებას, გამოიჩენთ ინიციატივას და პირველი ნაბიჯის გადადგმას გაბედავთ. გარდა ამისა, საკმაოდ პერსპექტიული პერიოდია ახალი პროექტისა და ბიზნესის წამოსაწყებად, სამსახურში ახალ საფეხურზე გადასვლისთვის და პიროვნული ზრდისთვის.
თუ თებერვლის განმავლობაში საკუთარი პოტენციალის სრულად გამოვლენას შეძლებთ და შესაძლებლობებს ხელიდან არ გაუშვებთ, მაშინ დიდი შანსი გაქვთ, რომ საკმაოდ დიდ წარმატებას მიაღწიოთ, შეიქმნათ სტაბილური ფინანსური გარემო და პერსპექტიული მომავალი.
მერწყული
თებერვალში ზოდიაქოს ამ ნიშნის წარმომადგენლები შეძლებენ, რომ აბსოლუტურ შინაგან თავისუფლებას მიაღწიონ, საკუთარი თავი და სურვილები პირველ ადგილზე დააყენონ და საოცარი ცვლილებების მომსწრენი გახდეთ. ზამთრის ბოლო თვე თქვენთვის პოტენციალის გამოვლენით იქნება სავსე. შეძლებთ, რომ თქვენი ნიჭი, უნარები, ცოდნა საუკეთესოდ წარმოაჩინოთ და დიდი ყურადღება და პატივისცემა დაიმსახუროთ.
თუ ამ თვეში ტრენინგსა და სასწავლო მასტერკლასს დაგეგმავთ, ძალიან წარმატებული იქნება. გაიცნობთ ახალ ადამიანებს, რომლებიც თქვენს ცხოვრებაში მნიშვნელოვან ადგილს დაიკავებენ. გარდა ამისა, ასტროლოგების თქმით, თებერვლის თვეში შეძლებთ, რომ იმ ნათესავებს, ახლობლებსა და წარსულში დატოვებულ ადამიანებს კიდევ ერთხელ დაუკავშირდეთ, რომლებთანაც დიდი ხანია, ურთიერთობა აღარ გაქვთ. ისინი თქვენს მზრუნველობასა და სითბოს დააფასებენ და მიხვდებიან, რომ თქვენი სახით ძალიან დიდი დასაყრდენი ჰყავთ.
