ასტროლოგი მიხეილ ცაგარელი ზოდიაქოს ნიშნებისთვის 15-21 იანვრის ასტროლოგიურ პროგნოზს ასაჯაროებს.
ვერძი – ენერგოტონუსი ნელნელა იწყებს გაუმჯობესებას. ეს პერიოდი ხელს უწყობს კარიერულ განვითარებას. სერიოზული, მნიშვნელოვანი, ახალი სტრატეგიული გეგმების დასახვას და მატერიალიზაციას. საკმაოდ კარგი შესაძლებლობების დროა საქმიანი კუთხით. შეიძლება ახალი სამსახურის დაწყება, ახალი პროექტის დასახვა და რეალიზაცია, რაც შემდგომ ხელს შეუწყობს მატერიალური მდგომარეობის გაუმჯობესების შესაძლებლობებსაც. აქ ძალიან კარგად ხვდებით, ინტუიციით, პროფესიონალურად როგორ უნდა განვითარდეთ, რომ ეს ის პერიოდია, როცა შეგიძლიათ წინსვლა, საზოგადოებრივ საქმეებში აქტიური ჩართვა, რაც ერთი- ორად გაზრდის თქვენს ავტორიტეტს. საქმიანი კუთხით ძალიან კარგი პერიოდია. მაგრამ ეცადეთ ზედმეტად არ გადაიღალოთ, რომ შეცდომები არ დაუშვათ.
კურო – საკმაოდ კარგი შესაძლებლობების კვირაა, მათ შორის საქმიანი კუთხით. თქვენ შეგიძლიათ სასარგებლო არაერთი ცვლილება შემოიტანოთ თქვენს ცხოვრებაში. კარგი პერიოდია მგზავრობისა და მოგზაურობისთვის, ახალი პარტნიორების შეძენისა და უცხოელებთან საქმიანი კავშირების გაბმისთვის. თუმცა, არ ღირს ფულის უაზროდ ხარჯვა, სარისკო ინვესტიციების განხორციელება და მსხვილი კაპიტალის დაბანდება, რადგან არაა გამორიცხული სერიოზული ფინანსური პრობლემები შეგიქმნათ გაუთვალისწინებელმა ხარჯებმა.
ტყუპები – ენერგოტონუსი ნელნელა უმჯობესდება. თქვენ ახლებურად შეიძლება გამოავლინოთ თქვენი ნიჭი, უნარი და შთაბეჭდილება მოახდინოთ ადამიანებზე. შეიძლება მიიღოთ მემკვიდრეობა, მოულოდნელი დახმარება, დაიწყოთ ახალი საქმე, ახალი პროექტი. ძალიან კომფორტულად იგრძნობთ თავს, აქტიურად იმოქმედეთ, მაგრამ თავი არ გადაიღალოთ.
კირჩხიბი – ეს პერიოდი ხელს უწყობს ურთიერთობის გაუმჯობესებას თქვენსა და პარტნიორებს შორის. ძალიან კარგი, ნიჭიერი მეგობრები აღმოაჩინოთ. ახალი გეგმები ჩამოაყალიბოთ. ნებისმიერი პრობლება შეგიძლიათ მოლაპარაკებებით მოაგვაროთ, რაც გაზრდის თქვენს დაფასებას საზოგადოების მხრიდან.
ლომი – ენერგოტონუსი ნელა მაგრამ მოიმატებს. არაერთ პრობლემას გადაწყვეტთ, შეიძლება საინტერესო და პერსპექტიული წინადადებები მიიღოთ სამსახურის კუთხით. შეიძლება აღმოჩნდეთ ცვლილებების წინაშე. შეიცვალოთ ბინა, ქალაქი. გააუმჯობესებთ ურთიერთობას ხელმძღვანელ პირებთან.
ქალწული – ძალიან კარგი პერიოდია შრომისთვის. მოიმატებს მოგზაურობისადმი ლტოლვა. საყოფაცხოვრებო პრობლემების გადაწყვეტის და კომფორტის მოწყობის სურვილი გაგიჩნდებათ, რაც იქნება ძალიან კარგი. კარგია ეს პერიოდი პარტნიორობის კუთხით და შემოქმედებით სფეროში.
სასწორი – ინტენსიურობა თქვენი განცდების ახლობლების მიმართ მოიმატებს, რამაც შეიძლება თქვენში დიქტატორული ხასიათი გამოავლინოს. იყავით ფრთხილად,რომ ეს არ გახდეს კონფლიქტის ფაქტორი. ნუ გადაწყვეტთ მემკვიდრეობის საკითხს და ცოტა მეტი ტაქტი გამოავლინეთ. სხვა მხივ, ინტუიცია ძლიერდება, რაზე დაყრდნობითაც შეძლებთ სწორი გადაწყვეტილებების მიღებას.
მორიელი- მთლიანობაში კარგი პერიოდია შეხვედრებისთვის, მოგზაურობისთვის, მოლაპარაკებებისთვის.. შეიძლება მოულოდნელი სურვილებიც გაჩნდეს თქვენს ხასიათში. გინდათ მრავალფეროვნება შეიტანოთ თქვენს ცხოვრებაში. შეიძლება მოხვდეთ მოულოდნელი შეხვედრების, მოგზაურობის, ნაცნობობის წინაშე. აუმჯობესებთ ურთიერთობას გარშემომყოფებთან. ეს არის ინფორმაციის მიღების და პარტნიორული თანამშრომლობის დრო.
მშვილდოსანი- დროა ძველი საქმეები დაასრულოთ და ახალი საქმეები დაიწყოთ. მოგიწევთ საკუთარ თავზე მეტი პასუხისმგებლობის აღება. შეიძლება ძველი საქმეებიდან მიიღოთ მატერიალური დივიდენდები, რაც გააუმჯობესებს თქვენს მატერიალურ მდგომარეობას.
თხის რქა – მზე ჯერ კიდევ თქვენს ზოდიაქოშია და გაძლევთ საშუალებას იყოთ ყველაზე იღბლიანი. ეს პერიოდი იქნება უდაოდ ძალიან საინტერესო, მაგრამ მშვიდს მას ვერ ვუწოდებთ.
მერწყული- თანდათან მატულობს თქვენში ენერგია. გახსოვდეთ, რომ ფარულ მტრებს არ სძინავთ და აკონტროლეთ რა ხდება თქვენს ზურგს უკან. გეგმების შესახებ ზედმეტს ნუ ილაპარაკებთ. ამ პერიოდში შეიძლება რამის შეცვლა მოგინდეთ.
თევზები – აქტიური კონტაქტების პერიოდია. მოულოდნელი შეხვედრები ხელს შეუწყობენ ახლებურად თქვენს მოქმედებას, ზოგიერთი საკითხის გადაწყვეტას. გააფართოვოთ საქმიანი კავშირები. კვირის მეორე ნახევარში, 18 რიცხვიდან იყავით ყურადღებით, რადგან შეიძლება სამსახურში ფინანსებთან დაკავშირებით პრობლემები წარმოიშვას.
წყარო: horoskopi.ge
