რუსეთის პრეზიდენტმა ვლადიმერ პუტინმა, უკრაინის ღალატში ბრალდებების გამო, ქვეყნის ყოფილ პრეზიდენტს, პეტრო პოროშენკოს, ირონიულად, თავშესაფარი რუსეთში “შესთავაზა”. ამის შესახებ მან საფრანგეთის პრეზიდენტთან, ემანუელ მაკრონთან მოლაპარაკების შემდეგ გამართულ პრესკონფერენციაზე განაცხადა.
მოგვიანებით პუტინმა თქვა, რომ პოროშენკოს არ უნდა დააბრალონ მინსკის შეთანხმებების ხელმოწერა და, შესაბამისად, ღალატი. რუსეთის პრეზიდენტმა დასძინა, რომ იწინასწარმეტყველა მოვლენების ასეთი განვითარება მისი მემკვიდრის მიერ პოროშენკოს პოლიტიკურ დევნასთან დაკავშირებით.
“ერთ დროს, როცა ბატონი პოროშენკო ჯერ კიდევ უკრაინის პრეზიდენტი იყო, მე ვუთხარი, რომ თუ მას მომავალში რაიმე პრობლემა შეექმნა, რუსეთი მზად იყო მისთვის პოლიტიკური თავშესაფარი მიეცა. მაშინ ის საკითხს ირონიულად მიუდგა, მაგრამ დღეს მინდა დავადასტურო ჩემი წინადადებები. მიუხედავად ჩვენი სერიოზული უთანხმოებისა დონბასის საკითხზე.
მე ვფიქრობ, რომ ამ მხრივ, მან ბევრი შეცდომა დაუშვა მაგრამ მაინც, მისი, როგორც სახელმწიფო კრიმინალის დევნა, გადაჭარბებული მცდელობაა ამჟამინდელი ხელმძღვანელობის წარმატებისთვის”, – განაცხადა პუტინმა.
პუტინმა, ასევე თქვა, რომ მზად არიან ისეთ ადამიანებს, როგორიც პოროშენკოა თავშესაფარი მისცენ და აღნიშნა, რომ პოროშენკოს მხრიდან მინსკის შეთანხმებაზე ხელმოწერა ღალატად არ უნდა ჩაითვალოს.
ასევე მან აღნიშნა, რომ უკრაინაში ოპოზიციას დევნიან, ეთნიკურ უმცირესობებზე ზეწოლა ხდება, კერძოდ, რუსულენოვანი ადამიანების, დახურულია სკოლები, გამოცემები და ოპოზიციური მედია.
რუსეთის პრეზიდენტის აღნიშნულ შეთავაზებას, უკრაინის ყოფილი პრეზიდენტი, პეტრო პოროშენკო facebook-ზე გამოეხმაურა, რომლის თქმით, ოპოზიციის დევნით ახლანდელ პრეზიდენტს პუტინისთვის საჩუქრის გაკეთება სურს, რაც რუსეთის პრეზიდენტის გამოსვლითაც დადასტურდა. ასევე მან პუტინს უთხრა, რომ “თვითონ გაერკვევიან”, უკრაინაში.
“ჩვენმა გუნდმა არაერთხელ განაცხადა, რომ უკრაინაში პროევროპული ოპოზიციის დევნისას ზელენსკის უპირველეს ყოვლისა სურს პუტინისთვის საჩუქრის გაკეთება. დღეს ეს თავად პუტინმა დაადასტურა.
ვურჩევ ვლადიმერ ალექსანდროვიჩს, შეწყვიტოს პუტინის გახარება და დაიცვას ქვეყანა. და სწორედ აქ უნდა მიმართონ მათ ძალოვანი სტრუქტურების ძალისხმევას, რომლებიც ახლა უფრო მეტად პოროშენკოსთან აქვთ საქმე, ვიდრე რუსეთის საფრთხისკენ.
ვლადიმერ ვლადიმეროვიჩ – ბოლოს და ბოლოს გააცნობიერეთ, რომ ამას ჩვენ თვითონ გავარკვევთ, აქ, უკრაინაში. და რუსეთის მარადიული პოლიტიკა, “იზრუნოს უკრაინასა და უკრაინელ პოლიტიკოსებზე” დიდი ხანია შეჩერებულია. ეს მაშინ მოხდა, როცა უკრაინის პრეზიდენტად ამირჩიეს” – დაწერა პოროშენკომ.
[sexy_author_bio]
