ტურისტი ქალების უმეტესობამ კარგად იცის, რომ საზღვარგარეთ შოპინგი განტვირთვის საუკეთესო საშუალებაა. ამასთან, შესაბამისი ფასები, დიდი ფასდაკლებები საუკეთესო ბრენდებზე კიდევ უფრო სასიამოვნოს ხდის მოგზაურობას. შოპინგ-ტურიზმი, ტურიზმის ყველაზე გავრცელებული სახეობაა.
გთავაზობთ იმ ქვეყნების სიას, სადაც ზამთარში შოპინგისთვის გამგზავრება ნამდვილად ღირს:
იტალია – მაღალი მოდის სამშობლო. ამ ქვეყანაში შესანიშნავად ერწყმის ღირსშესანიშანობების დათვალიერება შოპინგს. ზამთრის ფასდაკლებები იტალიაში იანვარში იწყება, ამ დროს საუკეთესო ბრენდებზეც კი დაბალი ფასებია. მთავარია არ დაგავიწყდეთ შეძენის დროს მიიღოთ სალარო-აპარატის ქვითარი – ამას განსაკუთრებით აკვირდება პატრულის სპეციალური დანაყოფი, ქვითრის უქონლობის შემთხვბევაში შესაძლოა ჯარიმა დაგეკისროთ. იანვარში მილანის სასტუმროებში 40% ფასდაკლებებია.
გერმანია – კიდევ ერთი მექა შოპინგის მოყვარულთათვის. აქ შეგიძლიათ, თქვენთვის სასურველ თანხაში, შეიძინოთ ყველაფერი – ავტომობილიდან დაწყებული, სუნამოთი დამთავრებული. პირველ რიგში ყურადღება მიაქციეთ ხარისხიან ტანსაცმელსა და კოსმეტიკას. გერმანიაში მოდის დედაქალაქად მიჩნეულია დიუსელდორფი. სასურველია საყიდლებზე დიდ სავაჭრო ცენტრში მიხვიდეთ.
ესპანეთი – აქ უამრავი ბუტიკი და მაღაზიაა, სადაც თქვენთვის სასურველ ფასად კარგ ტანსაცმელსა და ფეხსაცმელს შეიძენთ. შეგიძლიათ მიირთვათ საუკეთესო ესპანური ღვინო და უგემრიელესი ყველი. ზამთრის ფასდაკლებები 6 იანვრიდან იწყება და მარტის შუა რიცხვებამდე გრძელდება. ფასდაკლებებია ბარსელონას სასტუმროებშიც.
შოპინგისთვის საუკეთესო ქალაქია დუბაი, აქ საუკეთესო ფასად ყველაფრის შეძენა შეგიძლიათ – დაწყებული ტანსაცმლით, საიუველირო ნაკეთობებით დამთავრებული საუკეთესო ხარისხის წამლებით. აუცილებლად ივაჭრეთ: დიდი ფასდაკლების მიღწევა მხოლოდ შოპინგის ჭეშმარიტ მოყვარულს შეუძლია. 3 იანვრიდან არაბეთის დედაქალაქში იწყება დუბაის სავაჭრო ფესტივალი და ერთ თვეს გრძელდება. იანვარში დუბაის სასტუმროები 25% ფასდაკლებებს გვთავაზობენ.
აშშ – სადაც აუცილებლად უნდა მოხვდეთ ზამთრის ფასდაკლებებზე. საუკეთესო და ხარისხიანი საქონლის შეძენა გარანტირებული გაქვთ, კარგია ტექნიკის შეძენა. ნიუ-იორკში, იანვარში, სასტუმროებში 34% ფასდაკლებებია.
თურქეთი – განთქმულია სტუმართმოყვარეობითა და ბაზრებით, სადაც თქვენთვის სასურველ ნივთს აუცილებლად შეიძენთ. სტამბულში თქვენ უამრავ ისტორიულ ძეგლს მოინახულებთ. თავად აღმოსავლური ბაზარიც საინტერესო სანახაობაა. გახსოვდეთ, რომ ვაჭრობა გამყიდველთან აუცილებელია! გამყიდველმა ეს იცის და მყიდველს ვაჭრობის მიხედვით აფასებს. სასტუმროს ფასდაკლება 50 % -ს აღწევს.
ავტორი
