„ოდესმე დავწერ მეც ჩემს სათქმელს, უფრო სხვაგვარად… თანამშრომელს ვთხოვე, გაეგო, სიმართლე იყო თუ არა…
ვერ შევეხმიანე ვერავის… ახლა ყველა ერთმანეთის და ამ ოქრო ადამიანის ჭირისუფლები ვართ… ,,ზესტაფონს რა გიჭირთ, ბადრი გყავთ ბურჯანაძეო”… იმედიანებიც ვიყავით და გვეამაყებოდა, ყველას…ახლა კი, გავურბივართ ამ საშინელი ამბის დაჯერებას და ერთმანეთს, მეგობრები…. ცრემლი აქვს ყველას, ნაცნობს თუ უცნობს……
ერთხელ დაჭირდა და ვერ… უამრავი, მისგან გადარჩენილი სიცოცხლე ნატრობდა კარგ შედეგს… რაღაცნაირად მრცხვენია და მტკივა… ჩვენი, ბრძოლაში დაცემული რაინდი… ჩვენი სამედიცინო საზოგადოების სინდისი და სიმბოლო… როგორ ვწუხვარ… ვუსამძიმრებ ყველას, ოჯახს, ახლობლებს, მთელს ქალაქს… მშვიდობით… ძალიან დამაკლდება თქვენი თბილი სალამი, სიტყვა, არსებობა… ყველას დააკლდით…ესაა, ცხოვრება, სწორედ… გვიყვარხართ
წავიდა კაცი, დამთავრდა ეპოქა!
უმძიმესია ეს ტკივილი ჩემთვის და ჩემი ოჯახისათვის!
უმძიმესია ეს დანაკლისი ჩვენი კოლექტივისათვის, ზესტაფონის რაიონისათვის და სრულიად საქართველოსათვის!
ვუსამძიმრებ ოჯახს, სამეგობროს, მადლიერ პაციენტთა დიდ არმიას, გისამძიმრებ ჩემო ქვეყანავ!
ღმერთმა გაცხონოს დიდო მეგობარო, მასწავლებელო და კოლეგავ!
სულით, გულით და მარჯვენით უბადლო ექიმო! გაჭირვებულ ადამიანთა დიდო მოიმედევ და მკურნალო!
შენ მოახერხე და იცხოვრე! ბოლომდე დაიხარჯე ექიმობაში, მეგობრობაში, ლხინსა თუ ჭირში და უკვდავყავი შენი სახელი ჩვენს გულებში!
მშვიდად განისვენე! მსუბუქი იყოს შენთვის ქართული მიწა!“_ სოციალურ ქსელში, საკუთარი ფეისბუქის გვერდზე ამ ემოციურ პოსტებს დღეს მისივე კოლეგები, ოჯახის ახლობლები აქვეყნებენ.
ცნობილი გახდა, რომ გარდაიცვალა ცნობილი ქირურგი, ბადრი ბურჯანაძე, რომელსაც არაერთი ადამიანის სიცოცხლე აქვს გადარჩენილი.
