_ ბატონო აკაკი, შესაძლოა ამ საკითხზე ლევან ბეჟაშვილის პასუხისმგებლობის საკითხი დადგეს?
_ ვერავის პასუხისმგებლობაზე ვერ წავა ლაპარაკი, იმიტომ რომ რეალურად არანაირ კანონდარღვევებზე კომისიაში საუბარი არ ყოფილა ლაპარაკი, იყო სამუშაო ჯგუფის მხრიდან მხოლოდ ერთ რამეზე, ხედვებზე. ნაწილს მიაჩნდა, რომ უკეთესად შეიძლებოდა ორგანიზება სამუშაოსი. ის რომ ვიღაცას ჩემზე უკეთესად შეუძლია სამუშაოს ორგანიზება, ეს არ არის სისხლის სამართლის დანაშაული და არ არის ჩემი დანაშაული. არანაირი დარღვევები არ ყოფილა პრემიების გაცემაზე. ვიღაცას მიაჩნია რომ უკეთესად შეიძლებოდა ამ ფონდის ათვისება, ვიღაცას მიაჩნია რომ ისე უნდა ათვისებულიყო, როგორც ათვისდა. შეიძლება უარესადაც ყოფილიყო ათვისებული სხვა ხელმძღვანელის პირობებში. კიდე ერთხელ ვამბობ, ჩვენ უნდა გავყოთ დასკვნა ორ ნაწილად: ერთი _ სად იყო კანონი დარღვეული და მეორე _ სად შეიძლებოდა უკეთესად ორგანიზება და რა რეკომენდაციები შეიძლება მისცეს კომისიამ პარლამენტს, რომ მომავალში სამუშაო იყოს არა სუბიექტზე დამოკიდებული, არამედ იყოს მკაცრად რეგლამენტირებული.
_შესაძლოა აღნიშნული მასალები პროკურატურას გადაეგზავნოს…
_ მე არ ვიცი, ეს გადაიგზავნება თუ არა, ვერ ვხედავ იქ ვერანაირ საფუძველს მასალების პროკურატურაში გასაგზავნად. კომისიამ რეალურად ვერ დამიდო ნორმა, სად იყო დარღვეული იურიდიული ნორმები, ეს ვერ დამიდეს. მაპატიეთ მაგრამ 20 წლის უკან რომ მუშაობდა კონტროლის პალატაში და იმას შეუშვებ დღეს კონტროლის პალატის შესამოწმებლად, იმას აბსოლუტურად სხვა ხედვები აქვს კონტროლის პალატის მუშაობაზე და ჩვენ სულ სხვა. 200 და 300 ლარზე მაღალკვალიფიციური სპეციალისტი არც კი მოგივა სამსახურში, ამიტომ ხდებოდა ადამიანების დაინტერესება პრემიებით. მეტსაც გეტყვით მე მაქვს იმედი რომ კომისია შევა პარლამენტთან მოწოდებით რომ კონტროლის პალატაში ხელფასები გაიზარდოს. იმიტომ, რომ ეს არის ძალიან მაღალკვალიფიციური ადამიანების ადგილი .
დღეს კერძო აუდიტში უფრო მაღალი აქვს ანაზღაურება სპეციალისტებს ვიდრე კონტროლის პალატაში და ასეთი პირობებში სახელმწიფო სტრუქტურები დარჩება მაღალკვალიფიციური კადრების გარეშე”,_განაცხადა აკაკი ბობოხიძემ “გურია ნიუსთან” საუბრისას.
