პროექტი ითვალისწინებს სასწავლო ფილმების შექმნას, რომელიც ცენტრში მიმდინარე ტრენინგებზე გამოყენებული იქნება, როგორც დამხმარე სასწავლო მასალა.
ფილმები შესაძლებლობას მისცემს ტრენინგის მონაწილე სისტემის თანამშრომლებს, თეორიული ცოდნის მიღებასთან ერთად, წარმოდგენილი ვიდეო მასალის საშუალებით უფრო ღრმად გაეცნონ და რეალურად აღიქვან ის ხარვეზები თუ დარღვევები, რომლებსაც შესაძლოა ადგილი ჰქონდეს სასჯელაღსრულების დაწესებულებებში.
ეს ასევე შესაძლებელს გახდის, უფრო დეტალურად მოხდეს პრობლემის გააზრება და მისი აღმოფხვრის გზების დასახვა.
“ეს ნოვატორული მიდგომა სწავლებაში შეიტანს მრავალფეროვნებას, გაუმჯობესებს სწავლების ხარისხის და შესაბამისად, ხელს შეუწყობს მიღებული ცოდნის პრაქტიკაში უკეთ გამოყენებას,” _ ამბობს სტუდიის დირექტორი ვიკა ქავჟარაძე.
პირველი ფილმის “პატიმრებთან მოპყრობის ეროვნული და საერთაშორისო სტანდარტები” ფინანსურ მხარდაჭერას უზრუნველყოფს ევროკავშირის მიერ დაფინანსებული პროექტი “სისხლის სამართლის რეფორმის მხარდაჭერა საქართველოში”, რომელსაც ახორციელებს საკონსულტაციო კომპანია Hulla & Co. Human Dynamics KG.
პრეზენტაცია 19 ივნისს 13 საათზე გაიმართება.
(მისამართი, გარდაბნის მუნიციპალიტეტი რუსთავის გზატკეცილი, მე-17 კმ. საკონტაქტო პირი T-studio-s დირექტორი ვიქტორია ქავჟარაძე, ტელეფონი 599181658)
აღნიშნულ მისამართზე მისასვლელად სტუდია ჟურნალისტებს ტრანსპორტით უზრუნვლყოფას სთავაზობს.
