ოზურგეთის მუნიციპალიტეტში, წინასაახალწლოდ 125 535 ლარის დანამატი გაიცა. აქედან 102 095 ლარი ოზურგეთის მერიაში დარიგდა, ხოლო 23 440 ლარი _ საკრებულოში.
„გურია ნიუსის“ მიერ მოპოვებული დოკუმენტებით ირკვევა, რომ ოზურგეთის მერმა რამდენიმე სამსახურის უფროსი, განყოფილების ხელმძღვანელი, სპეციალისტი, მხოლოდ ერთი მოადგილე და რამდენიმე რწმუნებულები პრივილეგირებულ მდგომარეობაში ჩააყენა.
წყაროს მიერ მოწოდებული დოკუმენტებიც თანახმად ყველაზე მეტი თანხა _ 100%-იანი დანამატების მიიღეს: მერის მოადგილემ ოსიკო თოთიბაძემ 2 450 ლარის ოდენობით; ინფრასტრუქტურის სამსახურის უფროსმა თემურ გიორგაძემ 2 000 ლარის ოდენობით; საფინანსო სამსახურის უფროსმა გია მამაკაიშვილმა 2 000 ლარის ოდენობით (აღსანიშნავია, რომ მამაკაიშვილმა 100%-იანი დანამატი სექტემბერშიც მიიღო); საფინანსო სამსახურის ერთ-ერთი განყოფილების უფროსმა პავლე ჭყონიამ 1 400 ლარის ოდენობით; საქმის წარმოების განყოფილების უფროსმა მაია ინარიძემ 1 400 ლარის ოდენობით; მერის მრჩეველმა ალექსანდრე ბერიძემ 1 400 ლარის ოდენობით; საფინანსო სამსახურის ერთ-ერთი განყოფილების უფროსმა ნინო დარჩიამ 1 400 ლარის ოდენობით; 1 400-1 400 ლარიანი დანამატი აქვთ აღებული შესყიდვების განყოფილების უფროს დავით გორდელაძეს და მატერიალურ-ტექნიკური უზრუნველყოფის განყოფილების უფროსს თენგიზ ჩიჩუას.
100%-იანი დანამატი ერგო სოფელ ჭანიეთის რწმუნებულს ირაკლი რამიშვილს 1 100 ლარის ოდენობით; ამდენივე მიიღო სოფელ შრომის რწმუნებულმა კონსტანტინე ხომერიკმა; საფინანსო სამსახურის სპეციალისტს თამარ ბაბილოძესაც 100%-იანი დანამატი აქვს 1 000 ლარის ოდენობით; ეკონომიკის სამსახურის სპეციალისტი ნანა მელაშვილიც პრივილეგირებულთა შორისაა და მასაც 100%-იანი დანამატი აქვს, რომელიც 800 ლარს შეადგენს; ასევე, 100%-იანი დანამატი _ 800 ლარი მიიღო მერის მოადგილის ალექსანდრე სურგულაძის თანაშემწემ თეიმურაზ ჭანუყვაძემ; პრივილეგირებულთა შორის მოხვდნენ საფინანსო სამსახურის სპეციალისტები დავით ღლონტი, მარიკა დარჩია და მაკა ბეგიაშვილი, რომლებსაც 900-900 ლარი ერგოთ; ასევე, სოფელ მერიის რწმუნებულის თანაშემწე გიორგი მუჯირი, ნატანების რწმუნებულის თანაშემწე ამირან ბაქანიძე, მერიის რწმუნებულის თანაშემწე გრიგოლ კოსტავა და ცხემლისხიდის რწმუნებულის თანაშემწე გიორგი ლომინაძე, რომლებმაც 560-650 ლარი მიიღეს.
85-85%-იანი დანამატები მიიღეს ოზურგეთის მერის მოადგილეებმა _ ალექსანდრე სურგულაძემ და ირაკლი სირაძემ. სურგულაძეს 2 125 ლარი ერგო, სირაძეს კი _ 2 040 ლარი.
80%-იანი დანამატი მიიღო სამხედროს სამსახურის ერთ-ერთი განყოფილების უფროსმა ივანე ქუთათელაძემ 1 120 ლარის ოდენობით.
50-50%-იანი დანამატები მიიღეს: მერის მოადგილის ირაკლი სირაძის თანაშემწემ მერაბ ჭელიძემ; მერის მოადგილის, ოსიკო თოთიბაძის თანაშემწემ დარეჯან გოგოტიშვილმა, მერის თანაშემწემ ეთერ ყავრელაშვილმა; მერის მდივანმა ალიონა სურგულაძემ; მერის მოადგილის თანაშემწემ შოთა ქილიფთარმა.
ადამიანური რესურსების განყოფილების უფროსს მარინა ქერქაძეს 50%-იანი დანამატი ერგო 700 ლარის ოდენობით; ამდენივე მიიღო აუდიტის სამსახურის ერთ-ერთი განყოფილების უფროსმა გერასიმე ბოლქვაძემ; სამხედრო სამსახურის უფროსმა ილია ლეჟავამ, ზედამხედველობის განყოფილების უფროსმა შალვა გაბრიჩიძემ, ადმინისტრაციული სამსახურის ერთ-ერთი განყოფილების უფროსმა მზია გაგუამ, სოფლის მეურნეობის განყოფილების უფროსმა ამირან გირკელიძემ, ქონების მართვის განყოფილების უფროსმა მალხაზ გორგოშიძემ; სოციალური განყოფილების უფროსმა ნათია ვაშალომიძემ, საზოგადოებასთან ურთიერთობის განყოფილების უფროსმა ეკატერინე მგელაძემ, სკოლამდელი აღზრდის განყოფილების უფროსმა თეიმურაზ მოქიამ, კომუნალური სერვისების განყოფილების უფროსმა თემურ მურვანიძემ, კულტურის განყოფილების უფროსმა მაიზერ ცელაძემ, ტურიზმის განყოფილების უფროსმა ირინა შალამბერიძემ, იურიდიული განყოფილების უფროსმა მიხეილ შილაკაძემ.
ასევე, 50%-იანი დანამატები ერგოთ კულტურის სამსახურის უფროსს მარინა ჯაფარიძეს 800 ლარის ოდენობით, იურიდიული სამსახურის უფროსს ლაშა თავაძეს 800 ლარის ოდენობით და ადმინისტრაციული სამსახურის უფროსს გოგი ინწკირველს 800 ლარის ოდენობით.
550-550 ლარის ოდენობით, ყოველთვიური სარგოს 50%-ის ოდენობის დანამატი მიიღეს სოფელ თხინვალის რწმუნებულმა არსენ კვაჭანტირაძემ, სოფელ ოზურგეთის რწმუნებულმა ბადრი თავდუმაძემ, სოფელ შემოქმედის რწმუნებულმა სოსო სადრაძემ; სოფელ მელექედურის რწმუნებულმა კახა მესხიამ, სოფელ სილაურის რწმუნებულმა გოჩა ჯანხოთელმა, სოფელ ბაილეთის რწმუნებულმა ზურაბ დარჩიამ, სოფელ მაკვანეთის რწმუნებულმა ალექსანდრე ბურძგლამ, სოფელ ნატანების რწმუნებულმა ნაირა კვაჭაძემ, ქალაქ ოზურგეთის რწმუნებულმა ავთანდილ სვანიძემ, სოფელ ნასაკირალის რწმუნებულმა ოთარ ადაძემ, სოფელ მერიის რწმუნებულმა ნუგზარ ხომერიკმა.
50%-იანი დანამატები აიღეს მერიის სხვადასხვა სამსახურის სპეციალისტებმა: გიორგი ნიკოლაიშვილმა, ნინო კვაჭანტირაძემ, პაატა ვაშალომიძემ, ეკატერინე გეგიაძემ, თედო მენაბდემ, გურამ ზაზა მენაბდემ, ავთანდილ ჩხაიძემ და ჟანა ჩხიკვიშვილმა, მერაბ ბერაძემ, კონსტანტინე ბოლქვაძემ, ომან დოლიძემ, ირაკლი ლოდიამ, იონა მამფორიამ, ია ჩხარტიშვილმა, ირაკლი ცქვიტინიძემ, შარაშენიძემ, ლელა ვასაძემ, ნანა სანიკიძემ, ალექსანდრე სირაძემ და ირაკლი ანდღულაძემ, თამარ რუსიეშვილმა, ვახტანგ ვაშაყმაძემ, ნინო სალუქვაძემ, ლაშა ფირცხალაიშვილმა, მიხეილ ცქიტიშვილმა თამარ ბაქანიძემ, აივაზ ბერიძემ, ქეთო დამენიამ, დავით ხავთასმა, ინგა ცეცხლაძემ, ირაკლი წულაძემ, კახაბერ იმნაძემ, ციალა სირაძემ; ნათია ბაქრაძემ, ნინო მახარაძემ, შოთა მახარაძემ, გიორგი მდინარაძემ, ოთარ მექვაბიშვილმა, ზვიად მიქელაძემ, მაია ჩავლეიშვილმა, ხათუნა ჯაბუამ, მიხეილ შალამბერიძემ, ნათელა ტუღუშმა, აკაკი ღლონტმა, ელიკო დოლიძემ; ნანა კილაძემ. მარინე ლომთათიძემ, ლევან ნიკოლაიშვილმა, შორენა ონიანმა, სპეციალისტმა ნიკოლოზ ლომთათიძემ, ნია მეგრელიშვილმა, დაჩი ხინთიბიძემ და ზურაბ მორჩილაძემ.
სამსახურის უფროსებს შორის, ყველაზე მცირე _ 40%-იანი დანამატი ანუ 640 ლარი აიღო სოფლის მეურნეობის სამსახურის უფროსმა ალეკო მამეშვილმა.
ოზურგეთის მუნიციპალიტეტის მერიის სხვა თანამშრომლებმა 30 და 20-პროცენტიანი დანამატები აიღეს.
რა პრინციპით გაანაწილეს დანამატები, რა გახდა იმის მიზეზი, რომ განყოფილების უფროსზე მეტი დანამატი რიგით სპეციალისტს აქვს; რატომ მიიღო 100%-იანი დანამატი მაგალითად, ნატანების რწმუნებულის თანაშემწემ ამირან ბაქანიძემ, როცა რწმუნებულმა 50%-იანი დანამატი მიიღო; რით არიან 100%-იანი დანამატით დაჯილდოებული რწმუნებულები და სამსახურის უფროსები გამორჩეულები; იყო თუ არა დანამატების გაცემა შერჩევითი და რამდენად მართალია მერიის თანამშრომელთა მოსაზრებები, რომ შარაშენიძემ, 100%-იანი დანამატები მხოლოდ საკუთარ ახლობლებს მისცა _ ამ და სხვა კითხვებზე პასუხების მიღებას ჩვენ კონსტანტინე შარაშენიძისგან შევეცადეთ, თუმცა, უშედეგოდ _ ოზურგეთის მერმა, ტრადიციას არ უღალატა და „გურია ნიუსის“ სატელეფონო ზარებს და სმს შეტყობინებებს, არც ამჯერად უპასუხა.
რაც შეეხება საკრებულოში გაცემულ დანამატებს _ საკრებულოს თავმჯდომარის დავით დარჩიას თქმით, დანამატი არც მას, არც მის მოადგილეს და საკრებულოს არცერთ წევრს არ მიუღიათ:
_ გასული წლის ბოლოს დანამატები არ გაგვიცია. წელს პირველად გავეცით მხოლოდ აპარატის თანამშრომლებზე ზეგანაკვეთური შრომისთვის, არა ერთი წარმატებული პროექტისთვის, რომელიც საკრებულომ განახორციელა და ეს მუნიციპალიტეტისთვის სხვადასხვა ჯილდოებშიც აისახა. დანამატი მიიღეს მხოლოდ აპარატის თანამშრომლებმა შესრულებული სამუშაოს მიხედვით, რომელიც ბრძანებებშიც გაიწერა, _ აღნიშნა ჩვენთან საუბრისას დავით დარჩიამ.
