_ მინდოდა, რომ რაც შეიძლება ადრე გამომზეურებულიყო ეს მასალები. მე ვითვალისწინებ ოჯახის პოზიციას, რომელიც ყველაზე დიდი დაზარალებულია. გარიგებაშიც კი, იკვეთება რამდენად ცუდ დღეში ჰყავდათ ოჯახი. მათ ოდესღაც წაართვეს რაღაცეები და შემდგომ, ტელევიზიის სანაცვლოდ უკან დაუბრუნეს. როგორც მახსოვს 400 მილიონზეა საუბარი მათი შეფასებით, მაგრამ ეს რამდენად შესატყვისია და რამდენად სწორად იყო შეფასებული ცალკე საანალიზოა. პირადად მე არ წამიკითხავს. მხოლოდ იუსტიციის მინისტრის მოხსენება წავიკითხე. ამ საქმეს პროკურატურა იძიებს. შოკის მომგვრელი იყო ჩემთვის, რომ სახელმწიფო ჩინოვნიკი ხელს აწერს სუპერ კონფიდენციალურ დოკუმენტს, რომლის გახსნის უფლება ქვეყნის არსებობის ისტორიის მანძილზე არავის არ აქვს. ამ დოკუმენტს მეორე მხრიდან ოჯახის ყველა წევრი აწერს ხელს და იქ აშკარად ჩანს, როგორ ათმობინებენ ოჯახს ტელევიზიას და სანაცვლოს უბრუნებენ სახელმწიფო ქონების დიდი ნაწილს. როგორ იხდიან
_ თქვენ თქვით, რომ აპირებთ დოკუმენტს გრიფით საიდუმლო მოხსნათ…
_ რათქმაუნდა. ჩვენ უკვე ავხსენით და პრეზიდენტსაც ვთხოვეთ მხარდაჭერა. თუმცა, უარი გვითხრა.
_ ვინ იყო ის ჩინოვნიკი, რომელმაც აღნიშნულ დოკუმენტს ხელი მოაწერა?
_ როგორც მახსოვს იუსტიციის მინისტრის პირველი მოადგილე, _ აღნიშნა ბიძინა ივანიშვილმა “გურია ნიუსისთვის” მიცემულ ექსკლუზიურ ინტერვიუში.
საქართველოს მთავარი პროკურორის, არჩილ კბილაშვილის თქმით, დოკუმენტს გრიფით საიდუმლო ჯერ კიდევ ადევს და დეტალებზე ვერ ისაუბრებს:
_ ამ გარიგებას ჯერ კიდევ საიდუმლოების გრიფი ადევს. რაც შეეხება გამოძიებას, იგი მიმდინარეობს და როცა კონკრეტულ სტადიაზე იქნება, ჩვენს მიერ გაცხადდება, _ აღნიშნა “გურია ნიუსთან” საუბრისას არჩილ კბილაშვილმა.
