_ გუბერნატორი ვალერი ჩიტაიშვილი მალე დატოვებს პოსტს, მოადგილე პაატა მანჯგალაძე აცხადებს, რომ ისიც გადაწყვეტილებას პოსტის დატოვების შესახებ მალე, გუბერნატორთან ერთად მიიღებს. რას აპირებთ თქვენ?
_ თანამდებობას ახალი გუბერნატორის მოსვლამდე დავტოვებ თუ მისი მოსვლის შემდეგ, ამ გადაწყვეტილებას გუნდში ერთობლივად მივიღებთ. ნებისმიერ შემთხვევაში, ისე არ გავაკეთებთ, რომ რეგიონში სახელისუფლებო ვაკუუმი შეიქმნას
_ ამბობენ, რომ “ქართულ ოცნებასთან” ძალიან ახლო დამოკიდებულება გაქვთ. საუბრობენ, რომ გამონახეთ გზები, იმისთვის,თუ არა გუბერნატორის მოადგილე, რაღაც თანამდებობაზე აუცილებლად დარჩებით.
_ რაც შეეხება “ქართულ ოცნებასთან” ჩემს ახლობლობას, დიახ, მეგობრები ნამდვილად მყავს “ქართულ ოცნებაში” და თქვენ წარმოიდგინეთ არაერთი. თუმცა, ჩვენ ერთმანეთთან პოლიტიკური ნიშნით არ ვმეგობრობთ. ვწუხვარ, რომ ჩემი ოპონენტები ამაზე აპელირებენ ხოლმე. ცუდია, როცა ცალკეული ადამიანების ცნობიერება ვერ ცდება ხოლმე ვიწროპარტიულ ჩარჩოებს და რომ ვაკვირდები, ასეთ ადამიანებს, როგორც წესი, ნამდვილი მეგობრები არც ჰყავთ.
_ როგორ შეაფასებდით თქვენს საქმიანობას ვიცე გუბერნატორის პოსტზე, რას ნანობთ და რა გეამაყებათ?
_ ერთადერთ, რაც შემიძლია გითხრათ, მე ვარ მაღალი თანამდებობის საჯარო მოხელე, შესაბამისად, ჩემს გადაწყვეტილებებში ყოველთვის ვხელმძღვანელობდი და ახლაც ვიხელმძღვანელობ სახელმწიფოებრივი მიდგომებით..
_ სად აპირებთ თქვენი საქმიანობის გაგრძელებას?
_ დღეს არ ვაპირებ ჩემს სამომავლო გეგმებსა და აქ წამოჭრილ თემებზე საუბარს.
