“ახალგაზრდა ადვოკატებმა”, 2013 წლის 14 სექტემბერს განცხადებით მიმართა საქართველოს მთავარ პროკურატურას და განხორციელებული საქმიანობის სტატისტიკა მოითხოვა. ორგანიზაციის ინტერესს წარმოადგენდა შემდეგი საკითხები:
- საქართველოს რამდენი მოქალაქის განცხადება იქნა დარეგისტრირებული საქართველოს მთავარ პროკურატურაში 2012 წლის 1 ოქტომბრიდან 2013 წლის 15 სექტემბრის მდგომარეობით?
- საქართველოს რამდენი მოქალაქის განცხადება იყო დარეგისტრირებული საქართველოს მთავარ პროკურატურაში 2011 წლის 1 ოქტომბრიდან 2012 წლის 1 ოქტომბრის მდგომარეობით?
- უცხო ქვეყნის (რომელი ქვეყნის) რამდენი მოქალაქის განცხადება იქნა დარეგისტრირებული საქართველოს მთავარ პროკურატურაში 2012 წლის 1 ოქტომბრიდან 2013 წლის 15 სექტემბრის მდგომარეობით?
- უცხო ქვეყნის (რომელი ქვეყნის) რამდენი მოქალაქის განცხადება იქნა დარეგისტრირებული საქართველოს მთავარ პროკურატურაში 2011 წლის 1 ოქტომბრიდან 2012 წლის 15 სექტემბრის მდგომარეობით?
- საქართველოს მთავარმა პროკურატურამ, 2012 წლის 1 ოქტომბრიდან 2013 წლის 15 სექტემბრის მდგომარეობით შემოსული რამდენი განცხადება განიხილა?
- საქართველოს მთავარმა პროკურატურამ, 2012 წლის 1 ოქტომბრიდან 2013 წლის 15 სექტემბრის მდგომარეობით შემოსული და განხილული რამდენი განცხადება დააკმაყოფილა?
- საქართველოს მთავარ პროკურატურაში, 2012 წლის 1 ოქტომბრიდან 2013 წლის 15 სექტემბრის მდგომარეობით შემოსული რამდენი განცხადებაა განხილვის პროცესში?
- საქართველოს მთავარ პროკურატურაში, 2012 წლის 1 ოქტომბრიდან 2013 წლის 15 სექტემბრის მდგომარეობით, რამდენი პროკურორს შეუწყდა უფლებამოსილება?
- საქართველოს მთავარ პროკურატურაში, 2012 წლის 1 ოქტომბრიდან 2013 წლის 15 სექტემბრის მდგომარეობით, რამდენი ახალი პროკურორი დაინიშნა? საქართველოს მთავარ პროკურატურაში, 2012 წლის 1 ოქტომბრიდან 2013 წლის 15 სექტემბრის მდგომარეობით შემოსული განცხადებების გეოგრაფიული მაჩვენებლის შესახებ?
“ახალგაზრდა ადვოკატებს”, 2013 წლის 1 ოქტომბერს, საქართველოს მთავარმა პროკურატურამ დასმულ საკითხებზე შემდეგი სახის საჯარო ინფორმაცია მიაწოდა:
საქართველოს იუსტიციის სამინისტროს საქმისწარმოების სამმართველოს ელექტრონული პროგრამის მონაცემების თანახმად, საქართველოს მთავარ პროკურატურაში 2012 წლის 1 ოქტომბრიდან 2013 წლის 15 სექტემბრის ჩათვლით, დარეგისტრირებულია 48 662 წერილი, ხოლო 2011 წლის 1 ოქტომბრიდან 2012 წლის 1 ოქტომბრის ჩათვლით – 20 739 წერილი. ასევე გაცნობებთ, რომ 2012 წლის 1 ოქტომბრიდან 2013 წლის 15 სექტემბრის ჩათვლით, პროკურატურის სისტემიდან დათხოვნილია 92 მუშაკი, მათ შორის: 58 პროკურორი, 6 გამომძიებელი და 28 სხვა მუშაკი. მითითებულ პერიოდში დაინიშნა 322 მუშაკი, მათ შორის: 151 პროკურორი, 49 გამომძიებელი, 49 სტაჟიორი და 73 სხვა მუშაკი.
საქართველოს პროკურატურამ, პროგრამული ხარვეზის გამო, ორგანიზაციის მოთხოვნას, უცხო ქვეყნის რამდენი მოქალაქის განცხადება იქნა დარეგისტრირებული პროკურატურაში 2012 წლის 1 ოქტომბრიდან 2013 წლის 15 სექტემბრის მდგომარეობით და როგორია სტატისტიკა 2012 წლის 1 ოქტომბრიდან 2013 წლის 15 სექტემბრის მდგომარეობით შემოსული განცხადებების გეოგრაფიული მაჩვენებლის შესახებ, უარით უპასუხა.
