სამუშიას განცხადებით ის, რაც გააკეთა სითი–პარკმა, გააკეთებდა ნებისმიერი ჯგუფი, თუნდაც ახალგაზრდების მიერ შექმნილი, რომლებიც ანალოგიურად დახაზავდნენ ტერიტორიებს. საკრებულოს წევრი აცხადებს, რომ უკვე დაევალა საკრებულოს შესაბამის უწყებას დეტალურად შეისწავლოს “სითი პარკის” საქმიანობა და რამდენიმე კვირაში საზოგადოებსთვის ცნობილი გახდება ყველა დეტალი.
“ჯერ–ჯერობით ჩვენ ხელთ არ გვაქვს ის მთავარი დოკუმენტი, რომლითაც “სითი პარკი” შემოვიდა საქართველოში, მაგრამ სულ მალე ყველა დეტალი იქნება ცნობილი, რადგან საკრებულის შესაბამის უწყებას დაევალა ამ ორგანიზაციის საქმიანობის დეტალურად შესწავლა. თუმცა, ერთი შეხედვითაც ჩანს, რომ საქმე გვექნება შემოსავლების დაფარვასთან. იმ დროს, როცა საქართველოს მთავრობა ჯარიმების შემცირებას იწყებს, “სითი პარკი” და თბილისის მერია ერთობლივად ახრჩობს ჯარიმებით თბილისელებს. სამწუხაროდ, საკრებულო უძლურია ამ საკითხის გადაწყვეტაში, რადგან “სითი პარკს” ხელშეკრულება თბილისის მერიასთან აქვს დადებული. სწორედ ამიტომ მოვითხოვ გიგი უგულავასგან, დასხდნენ და დაიწყონ მოლაპარაკება ამ ორგანიზაციასთან.
საეჭვოა ასევე ამ ორგანიზაციის ტენდერში გამარჯვებაც, ამიტომ ჩვენ სატენდერო დოკუმენტებსაც შევისწავლით. ერთი კი, რაც ამ ეტაპზე ცხადია, “სითი პარკმა” არ შეასრულა ის ვალდებულებები, რითაც შემოვიდა საქართვეოში. მას უნდა განეხორციელებინა ინვესტიცია, უნდა მომხდარიყო მიწისქვეშა და მიწისზედა ავტოსადგომების მოწყობა, მაგრამ ჩვენ ყველა კარგად ვხედავთ, რომ ის ტერიტორიები, რომლებიც ისევ თბილისელების საკუთრებაა, არც მოწყობილია და არც არაფერია გაკეთებული, მათ აიღეს საღებავი, უბრალოდ დახაზეს და დაგვიწესეს ჯარიმები.
კიდევ ერთი საკითხი, ჩვენ ამ ტერიტორიებით სარგებლობისთვის ვიხდით 50 ლარს. გაურკვეველია რატომ და რისი გადასახადია ეს. ყველაფერი მიგვანიშნებს ამ ორგანიზაციასა და გიგი უგულავას შორის ფარულ გარიგებებზე, რასაც სულ მალე აეხდება ფარდა იმ სტრუქტურის შედაგად შესწავლილი საქმეების სააშკარაოზე გამოტანით.
მივმართავ ქალაქსი მერსა და “ნაციონალურ მოძრაობას”, რომ მათი მოღვაწეობის ბოლო თვეებში მაინც მოეგონ გონს და მისცენ თბილისელებს ცენტრალური ხელისუფლების მიერ განხორციელებული ცვლილებები შეიგრძონ”.
სამუშიამ განაცხადა, რომ “სითი პარკს” ჰყავს თანამშრომლები, რომლებიც დადიან ქალაქის ქუჩებში და სულ უმნიშვნელო დარღვევაზე, ხან კი ყოველგვარი საფუძვლის გარეშე, ავტომობილების მფლობელეს აჯარიმებენ. მისივე განცხადებით, არ შეიძლება მძღოლი სულ რამდენიმე წუთით მაღაზიაში შევიდეს, გარეთ გამოსულს კი მანქანა საჯარიმოზე დახვდეს გადაყვანილი და საკმაოდ დიდი ოდენობის ჯარიმის გადახდა მოუხდეს. საკრებულოს წევრი სასწრაფოდ მოითხოვს თბილისის მერიისგან მოლაპარაკებების დაწყებას ჯარიმების შემცირებაზე და საეჭვო გარიგებების დასრულებას.
