“გურია ნიუსთან” საუბრის დროს ინგა გრიგოლოა არ აკონკრეტებს მიიღებს თუ არა ორდენს მიხეილ სააკაშვილისგან.
_ ოფიციალური ინფორმაციით, თქვენ მიხეილ სააკაშვილისგან თამარ მეფის ორდენი გადმოგეცათ.
_ ძალიან სასაცილო ამბავი დამემართა. იმიტომ, რომ დილით ჟურნალისტმა დამირეკა და დიდი ხანი მეგონა მეხუმრებოდა. საბოლოოდ, როდესაც ვნახე ინფორმაცია ძალიან გაკვირვებული დავრჩი, თუმცა გეტყვით, არავის არანაირი ორდენი არ მოუცია, არავის არ დაურეკია ჩემთვის, მართლა ბოლომდე ხუმრობა მეგონა. იმიტომ, რომ ჩემი დახურული გადაცემის პროპროციულობის მიხედვით, სრულიად წარმოუდგენელი ამბავი იყო. ეს არის ის კომენტარი, რომელიც შემიძლია გავაკეთო. არანაირი ორდენი არ მიმიღია.
_ აპირებთ თუ არა ორდენის მიღებას?
_ არა, არავის არ მოუცია ეს ორდენი.
_ ოფიციალური ინფორმაციით გადმოგეცემათ.
_ საერთოდ არ ვთვლი, რომ ხელისუფლებამ, იქნება ყოფილი თუ მოქმედი, უნდა ურიგებდეს ორდენს ჟურნალისტებს. დანარჩენი კომენტარებისგან თავს შევიკავებ. იმიტომ, რომ ყველა ჩემი რესპოდენტები არიან, მათ შორის მიხეილ სააკაშვილი, რომლის ჩაწერაზე ბევრს ვცდილობ. მან მართალია, განაცხადა, რომ პოლიტიკურ აქტიურობას წყვეტს, მაგრამ იქნება რამე გამომივიდეს. დამატებითი კომენტარებისგან თავს შევიკავებ. კიდევ ერთხელ ვამბობ ჩემთვის არავის დაურეკავს და არ მიმიღია ეს ორდენი, არც არასდროს მიფიქრია, რომ ასეთი რამ მოხდებოდა. ამას ძალიან თავისუფლად გეუბნებით, თუ გადახედავთ ბოლო წლებში ჩემი დახრული გადაცემების რაოდენობას, ნამდვილად არ ველოდი და ბოლომდე მეგონა ეს იყო ხუმრობა.
_ იქნებ კონკრეტულად გაგვცეთ პასუხი, მიიღებთ თუ არა ორდენს?
_ კონკრეტულად პასუხს არ გაგცემთ. მე ჩემი საკუთარი გადაცემა მაქვს და კომენტარის გაკეთებას თუ კი საჭიროდ ჩავთვლი, ჩემს გადაცემაში გავაკეთებ.
თამარ მეფის ორდენებით დაჯილდოვდნენ: ცნობილი პიანისტი ხატია ბუნიათიშვილი, ტელეკომპანიის tv-ს ტოქშოუ “დიდი პოლიტიკის” ავტორი და წამყვანი ინგა გრიგოლია, ტელეკომპანია “რუსთავი 2”-ის ტოქშოუ “პოზიციის” ავტორი და წამყვანი ნინო შუბლაძე, ტელეკომპანია “რუსთავი 2”-ის ტოქშოუ “პროფილის” ავტორი და წამყვანი მაია ასათიანი, ტელეკომპანია “რუსთავი 2”-ის გასართობი ტოქშოუ “ნანუკა ჟორჟოლიანის შოუ” ავტორი და წამყვანი ნანუკა ჟორჟოლიანი.
