შინაგან საქმეთა სამინისტროს ინფორმაციით, თბილისსა და რეგიონებში, ქულათა ახალი სისტემის ამოქმედებიდან 15 საათის შემდეგ, დაიწერა 1586 ოქმი, აქედან 996 ქულებიანი ოქმია.
„ქალაქ თბილისში და რეგიონებში პირველი ივლისის ღამის 12 სთ-დან, 15:00 საათამდე დაიწერა სულ 1586 ოქმი, აქედან ქულებიანი 996“,– განუცხადეს საზოგადოებრივს შსს-ში.
დღეიდან, „საგზაო მოძრაობის შესახებ“ საქართველოს კანონში ცვლილებები ძალაში შევიდა.
საქართველოში გაცემულ მართვის მოწმობას ქულათა სისტემის მიხედვით 100 ქულა ენიჭება ყოველი კალენდარული წლის პირველ იანვარს.
