ამასთან დაკავშირებით “გურია ნიუსი” გიორგი მდინარაძეს ესაუბრა, რომელიც აღნიშნულ ინფორმაციას არ ადასტურებს.
“სანამ ბრძანება არ იქნება ვერაფერს ვერ დაგიდასტურებთ. ამჟამად ქუთაისის საქალაქო სამმართველოს უფროსად ვმუშაობ. ძალიან ბევრი მეგობარი მიკავშირდება და მეკითხება ამის შესახებ, საუბრები არის, თუმცა ოფიციალურად ჯერ არაფერი არ არის გადაწყვეტილი. 2006 წელსაც იყო საუბარი ჩემი გურიის სამხარეო მთავარი სამმართველოს უფროსად დანიშვნის შესახებ, თუმცა მაშინ მე თვითონ განვაცხადე უარი. ახლა ვერაფერს ვერ დაგიდასტურებთ ოფიციალურად”, _ გვითხრა მდინარაძემ.
36 წლის გიორგი მდინარაძე წარმოშობით ოზურგეთის მუნიციპალიტეტის სოფელ ვაკიჯვრიდანაა. ჰყავს მეუღლე და ორი შვილი. ის შსს იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველოს ქუთაისის საქალაქო სამმართველოს უფროსად 2012 წლის 25 დეკემბერს დაინიშნა. მანამდე კი შსს სხვადასხვა თანამდებობზე მუშაობდა.
ჯერჯერობით ოფიციალურად არ არის გადაწყვეტილი ვინ დაიკავებს მდინარაძის მოადგილეებს პოსტს და ვინ იქნება ოზურგეთისა და ჩოხატაურის რაიონული სამმართველოების უფროსები. ჩვენი ინფორმაციით, პოსტს ლანჩხუთის რაიონული სამმართველოს უფროსი გოჩა ჟღენტი შეინარჩუნებს.
