“თბილისის პარლამენტს უფრო ადვილად მოვუძებნით ფუნქციას, რადგან თბილისშია”

დეპუტატ ზურაბ ტყემალაძის განცხადებით თბილისში მუშაობა საქართველოს ბიუჯეტს გაცილებით იაფი დაუჯდება. ის აქვე იმ შესაძლო ფუნქციებზე საუბრობს, რომელიც შენობამ უნდა შეითავსოს. ვერსიები ბევრია, საერთაშორისო რეგიონალური დატვირთვიდან დაწყებული შესაძლო სამუზეუმო სივრცედ დამთავრებული.

ტყემლაძე აღნიშნავს, რომ წინ, ჯერ კიდევ 3 თვეა და იმ შემთხვევაში თუ პარლამენტის გადატანის საკითხი დამტკიცდა პირველი მოსმენით, შემდეგ ინტენსიური მოლაპარაკებები იქნება სპეციალისტებთან, იმის თაობაზე თუ რა ფუნქცია შეიძლება ჰქონდეს ქუთაისში არსებულ პარლამენტის შენობას. ასევე, გაურკვევლად რჩება პარლამენტის შენობის გვერდით, მდებარე ე.წ მთავრობის სახლის ბედიც, სადაც მუშაობა ახალმა მინისტრთა კაბინეტმა არ ისურვა. რის შემდეგაც შენობა დაკეტილი და სრულიად უფუნქციოა. ტყემალაძე ფიქრობს, რომ მთავრობამ ამ ორივე შენობას ერთი ფუნქცია უნდა მოუძებნოს,რაც მთავარია ამაში სახელმწიფოს ფული არუნდა იხარჯებოდეს. უმრავლესობის დეპუტატი გამოსავალს საერთაშორისო ორგანიზაციების მიერ შენობის დაინტერესებაში ხედავს.

_ ამხელა შენობის ელექტროენერგიის ხარჯვა, გათბობა, კონდიცირება განათება ბუნებრივია იქ დასუფთავება დამლაგებლების ხელფასი ბევრი რაღაცაა წყალი კომუნალური გადასახადები. ყველანაირი მომსახურება რაც კი არსებობს პარლამენტის შენობაში.ძალიან დიდი თანხა ჯდება.

როგორც ხედავთ მთავრობის კანცელარია საერთოდ უფუნქციოდ, არის და არავინ არ მუშაობს, არაფერი არ არის. აქედან გამომდინარე სასწრაფოდ მისახედია .ბუნებრივია, რომ მას რამე ფუნქცია უნდა მიეცეს. ალბათ ფუნქცია ორივეს ერთად უნდა მიეცეს. რა თქმა უნდა, ვფიქრობთ, ამ თემაზე არამარტო ჩვენ, სპეციალისტებიც მუშაობენ ამ საკითხზე, რომ რაიმე ფუნქცია მიენიჭოს ამ შენობებს. ბევრი რამის გაკეთება შეიძლება, თუნდაც ბიზნესის კუთხით. ასევე სამეწარმეო კუთხით.რეგიონალური კუთხით. მინდა გითხრათ, რეგიონალურში ვგულისხმობ როგორც საქართაველოს, დასავლეთ საქართველოს, რეგიონის მიმართულებით ასევე ვგულისხმობ, საერთოდ რეგიონალური კუთხით ამიერ კავკასიაში, შუა აზიაში რაღაც რეგიონალური საერთაშორისო ორგანიზაია შეიძლება დაინტერესდეს. ვიღაცამ გახსნას აქ რაღაც. ეს არის იდეის დამუშავება. რა თქმა უნდა, როცა რამე გადაწყდება და დადასტურდება, მიღებული იქნება გადაწყვეტილება, ამის შემდეგ 3 თვე საჭიროა კიდევ იმისთვის, რომ მესამე მოსმენით იქნეს მიღებული. აქედან გამომდინარე, მინიმუმ 3 თვე წინ არის.

_ იმ შემთხვევაში თუ ვერ მოხერხდა ქუთაისიდან პარლამენტის გადატანა, რა ელის იმ შენობას რომელიც თბილისში უკვე რემონტდება და საკმაოდ დიდი თანხები იხარჯება?

_ თუ ეს არ მოხდება რათქმაუნდა ვერ დავარღვევთ კონსტიტუციას და პარლამენტი დარჩება ქუთაისში. თუ ორივე იქნა მაშინ შეიძლება იქაც მოხდეს და აქაც სამუშაოს წარმოება. მაგრამ ამ შემთხვევაში მე დაგეთანხმებით იმაში, რომ საკმაოდ დიდი ხარჯები იქნება საჭირო და ძვირი სიამოვნება იქნება კომიტეტი იქ ჩატარდეს და სხდომა აქ. ან პირიქით. ამის ფუფუნება და ამის საშუალება საქართველოს ნამდვილად არ აქვს, რომ ორ ადგილას ქონდეს პარლამენტი. თუმცა, ვნახოთ რა გადაწყვეტილებას მიიიღებს პარლმანეტი. თუ ვერ მოხერხდა და ვერ გადავედით თბილისში ტრაგედიას ამაში ვერ ვხედავ. დარჩება პარლამენტი როგორც კონსტიტუციაშია ქუთაისში. თბილისის პარლამენტს უფრო ადვილად მოვუძებნით ფუნქციას. იმიტომ რომ თბილისია, საკმაოდ კომფორტაბელური ოფისებია. შეიძლება ბევრი რამე გაკეთდეს ამიტომ იქ უფრო ადვილია ფუნქციის მოძებნა ვიდრე აქ. რათქმაუნდა ის რაც ქონდათ ჩანაფიქრი რომ დანგრეულიყო და გაყიდულიყო 10 მილიონად ეს არ მოხდება.

_ ამ ეტაპზე რამდენი ხმა გაქვთ საკონსტიტუციო ცვლილებისათვის?

_ 98 ხმა რაც დავაფიქსირეთ უკვე. მგონია, რომ თბილისში პარლამენტის გადატანის საკითხი ის საკითხია, სადაც, ბევრთან შეიძლება კონსესუსი მოიძებნოს. კერძო საუბრებში ბევრი აფიქსირებს იმას, რომ ჩვენც სიამოვნებით დავუჭერთ მხარს გადმოსვლას. ძველი პრეზიდენტის პირობებში, რა თქმა უნდა, ამას მხარს არ დაუჭერდნენ. არაა გამოროიცხული, რომ დაუჭირონ მხარი. თუმცა, ვიმეორებ რომ ტრაგედია არაფერში არ არის. უბრალოდ პარლამენტის ქუთაისში მოღვაწეობა უფრო ძვირი ჯდება ვიდრე თბილისში.