ჩვენ პარტიის გენერალურ მდივანს ხათუნა ჟორდანიას გავესაუბრეთ.
_ რა იყო თქვენი პარტიის იგნორირების მიზეზე?
_ საქართველოს დამოუკიდებლობის აღდგენის შემდეგ, ბატონი ზვიად გამსახურდიას მეთაურობით პარტია ნოე ჟორდანიას მიერ დაარსებული პარტიის სამართალმემკვიდრედდაბრუნდა საქართველოში. დავიწყეთ აქტიური მოღვაწეობა, მაგრამ 1995 წელს, შევარდნაძის ხელისუფლების დროს მოხდა პარტიის სრული იგნორირება, თუმცა არ იყო ზეწოლა, არ გარბევდნენ. არ იყო ხელისუფლების მხრდიანჩვენს პოლიტიკურ საქმიანობაში აგრესიული ჩარევა. ჩვენ ვაგრძელებდით მუშაობას-ვაწყებდითპრესკონფერენციებს და გამოვდიოდით სხვადასხვა კონფერენციის ინიციატორებად, ასევე ვაყენებდით იმ მოთხოვნებს, რაც ქვეყნის განვითარების შემდგომი ეტაპისთვის აუცილებლად გადასაჭრელი საკითხების მოგვარებას ეხებოდა.
_ რა ფინანსებით ანხორციელებდითამ ყველაფერს?
_ ჩვენ არ გვქონდა ფული, პარტიის ერთადერთი შემოსავალი იყო საწევრო. მიუხედავად ფინანსური სიდუხჭირისა, ჩვენ ბოლომდე ვიცავდით ჩვენს იდეოლოგიას.
_ მოდით უშუალოდ ზეწოლაზე ვისაუბროთ, თქვენი აზრით რამ გამოიწვია პარტიის მიმართ აგრესია ?
_ 2005 წელს, როცა ქვეყანაში სააკაშვილის ხელისუფლება დამყარდა, მან არ განახორციელა ქვეყანაში ჭეშმარიტი დემოკრატიული სვლები. მან ასე რომ ვთქვათ ჩააფლავა “ამერიკის დემოკრატიულ შუქურის” პროექტი. 1995 წლამდე არსებულ 30 წლიან კონსტიტუციას თუ წავიკითხავთ, რომლის მიხედვით ხალხმა რეფერენდუმის გზით დამოუკიდებლობას მისცა ხმა, ხალხის ნება-სურვილი კი დამოუკიდებლობასთან განუყოფელია, ამ კონსტიტუციაში ეწერა ორი მუხლი, ეს იყო 52-ემუხლი-მმართველობა,ხელმწიფობა ეკუთვნის მთელ ერს, პარლამენტი ვალდებული არის ნება და 64-ემუხლი, თუ 30 000-მაამომრჩეველმა მოისურვა, პარლამენტი ვალდებულია ახლად მიღებული კანონი სარეფერენდუმოდწარუდგინოს მთელ ერს. როდესაც კანონში გვიწერია კონსტიტუციური წყობა უშუალოდ დემოკრატია, ეს ნიშნავს არა პარლამენტურ, არა წარმომადგენლურდემოკრატიას, არამედ უშუალოდ ქვეყნის მოქალაქეების დემოკრატიულობას, განურჩევლად ეროვნებისა. ამ მუხლების ამოღება ფარისევლურად მოხდა 1995 წელს. ჩვენმა პარტიამ მიხეილ სააკაშვილს მიმართა ოფიციალური წერილით, პირადად მე შევიტანე კანცელარიაში განცხადება და ავუხსენით ვითარება, თუ ქვეყანა მიდის ჭეშმარიტად დემოკრატიისკენ და კონსტიტუციურად არის უშუალო დემოკრატიული, მაშინ კონსტიტუციაში უნდა ჩამატებულიყო ის მუხლები, რაც არასწორად, რეფერენდუმის გარეშე იყო ამოღებული. პირად საუბარში პარლამენტის იურიდიული კომისიის თავმჯდომარე დაგვეთანხმა, მაგრამ ოფიციალურად მოგვივიდა პასუხი, რომ ეს საკითხი არის პარლამენტის გადასაწყვეტი და მიგვემართა სწორედ პარლამენტისთვის. მივმართეთ პარლამენტსაც, რომელსაც საკმაოდ უზურპირებული ჰქონდა სახალხო ძალაუფლება და პასუხი იყო ასეთი-როგორცთქვენ ფიქრობთ, ისე ვართ ჩვენცო.ჩვენ ვალდებულნი ყიყავითდაგვეცვა სამართლებრივი ყველა ნორმა. როდესაც ქვეყანას ჰყავს პრეზიდენტი, პოლიტიკურად სწორი ნაბიჯია პირველ რიგში მიმართო მას სხვადსხვასაკითხით, მაგრამ დავინახეთ, რომ სამართლებრივი თვალსაზრისით ვერაფერს შევძლებდით და დავიწყეთ ხელმოწერების შეგროვება. ეროვნულად მოაზროვნე პოლიტიკურმა პარტიებმა ხელი მოგვიწერეს ამ ორი მუხლის კონსტიტუციაში ჩამატებაზე და აი, ამის შემდეგ დაიწყო ზეწოლები.
_ ოფისის დარბევასაც ამ მოთხოვნის დაყენებას უკავშირებთ?
_ რა თქმა უნდა. 1992 წლიდან მინისტრთა საბჭოს დადგენილებით მუდმივ სარგებლობაში გადმოცემული გვქონდა ოფისი. გვაქვს მერიისორდენიც,პრივატიზაციისსაბუთი და აბსოლუტურად ყველა კანონიერი დოკუმენტი. ამ ოფისით ვსარგებლობდით 1992 წლიდან 2007 წლამდე. პარტია ცდილობდა დაერეგისტრირებინაპრივატიზაციისსაკუთრების ფორმა, თუმცა საკმაოდ დიდ პრობლემებს წავაწყდით. მას შემდეგ, რაც ეს საკითხი წამოვწიეთ წინა პლანზე და ხელმოწერების შეგროვება დავიწყეთ, 2007 წელს მოხდა ჩვენი დარბევა. შუაღამეს ოფისში შეცვივდნენ ნიღბიანები და ყველაფერი გაანადგურეს-გაძარცვესსეიფი, დალეწეს ავეჯი. ერთია, რომ მასალების და საბუთების დედნები ოფისში არ ინახებოდა და ამით გადარჩა. ოფისი დალუქეს.
_ სად გქონდათ მაშინ ოფისი?
_ ჩიტაძის#5-ში, სხვათაშორისთავის დროზე ჩიტაძეზე იყო ნოე ჟორდანიას რეზიდენცია და სოციალ-დემოკრატების სათაოოფისი. ერთი რამ მინდა აუცილებლად აღვნიშნო, ჩვენს მიერ დაყენებულ საკითხს ემხრობოდა გურამ შარაძე, მაგრამ ის მოკლული იყო და ვეღარ შეძლო ჩვენს გვერდით დგომა. დარბევის და ზეწოლის შემდეგ პარტია პარალიზებული იყო და არსებობდა ძალიან დიდი რეალური საშიშროება ამ საკითხებისისევ წინა პლანზე გამოტანით ზეწოლა ნივთებიდან ადამიანებზე გადაეტანათ, რადგან იყო მუქარები.
_ დარბევაზე სასამართლოში თუ შეიტანეთ განცხადება?
_ რა თქმა უნდა, მაშინვე შევიტანეთ სასამართლოში განცხადება, მაგრამ რეაგირება არ მოყოლია, 2008 წლის 5 ივნისს მოხდა განაცხადის განახლება თბილისის საქალაქო სასამართლოში, სადაც სამოქალაქო საქმეთა კოლეგიის მოსამართლე ვანო წიკლაური იყო, 1 ოქტომბრის საპარლამენტოარჩევნების შემდეგაც მივმართეთ შესაბამის სტრუქტურებს, მაგრამ არც ახალი ხელისუფლების მხრიდან არის რაიმე რეაგირება და პასუხი, ყველაზე საოცარი ის არის, რომ ამ საქმეს გრიფით საიდუმლო ადევს.
_ ეს საიდან გაიგეთ?
_ საჯარო რეესტრში განვაახლეთ პარტიისრეგისტრაცია და იქიდან გავიგეთ, რომ ამ საქმეს გრიფით საიდუმლო ადევს დღემდე. ვთხოვეთ ეს გრიფით საიდუმლო აეხსნა ბატონ ივანიშვილს, მაგრამ რეაგირება არ მოყოლია. აქედან ერთი დასკვნაა, ხელისუფლებას არ აწყობს გაიგოს ხალხმა სიმართლე, არ უნდათ უკანონოდ ამოღებული მუხლების ჩამატება კონსტიტუციაში და უნდათ ისევ თავიანთ თარგს მოარგონ ეს კონსტიტუცია, რითიც ძალაუფლება არ დაუბრუნდება მის კანონიერ მფლობელებს-საქართველოსმოქალაქეებს. დიახ, მთავრობას არ აწყობს გაიღოსხალხმა, რომ ხელისუფლება კონსტიტუციით ეკუთვნის მოქალაქეებს.
_ არ გიცდიათ გაგერკვიათ გრიფით საიდუმლო რატომ დაადეს საქმეს?
ამ დროს საუბარს პარტიის ახალგაზრდული ფრთის ხელმძღვანელი ვახტანგ ჟორდანია შემოუერთდა, რომელმაც განაცხადა:
_ ჩვენც მაგას ვკითხულობთ-რატომდაედო გრიფით საიდუმლო. ალბათ მაგათი მეთოდიკა იყო იმ პერიოდში ყველაფრისთვის გრიფით საიდუმლო დაედოთ. მე ერთი რაღაც მინდა ვთქვა, თუ ის შენობა სჭირდებოდასახელმწიფოს, ალტერნატიული ფართი შეეთავაზებინათ, ამის წინააღმდეგ პარტია არ წავიდოდა. მაგრამ ეს არ იყო რეალური მიზეზი და თან მაგათი სტილი იყო შევარდნა, გაძარცვა და დარბევა.
ხათუნაჟორდანია: მეაუცილებლად მინდა აღვნიშნო და მინდა ყველამ გაიგოს, სწორედ მაშინ, როდესაც ჩვენ დაგვარბიეს და სოციალ-დემოკრატიული პარტიის პარალიზება მოხდა, ძალიან მალე, 2010 წელს გამოჩნდა ეროვნულ-დემოკრატიგია ჟორჟოლიანის ახალი პარტია, რომელიც არის ჩვენი პარტიის ფაბრიკაცია და მოხდა სოციალ-დემოკრატიული იდეოლოგიის გაყალბება და მიჩქმალვა. მნიშვნელოვანი საკითხია საგარეო პოლიტიკის საკითხი. როცა დაიკარგა აფხაზეთის ტერიტორიები და მერე უკვე შემდგომი ტერიტორიები ეს ყველაფერი ერთმანეთზეა მიბმული. რეფერენდუმის გაუქმების უფლება არავის არ აქვს. აი ეს არ გამოუყენებია არც შევარდნაძეს, არც სააკაშვილს და არც ახალი მთავრობა იყენებს იმისთვის, რომ ჩვენს ქვეყანას დაუბრუნდეს დაკარგული ოსდამოუკიდებლობას დაუჭირა მხარი და თანაცხოვრებას იმ სახელმწიფოში, რომელსაც ტერიტორიები, იმისთვის, რომ დევნილები დაუბრუნდნენ თავიანთ საცხოვრებელ ადგილებს.
_ ამ მხრივ რისი გაკეთებაა შესაძლებელი?
_ შესაძლებელია ეს რეფერენდუმი გასაჩივრდეს საერთაშორისო სასამართლოში, ამისი ვადა არ არსებობს და შეიძლება დღესაც გასაჩივრდეს და გადაიდგეს ნაბიჯები იმისთვის, რათა შეჩერდეს რუსეთის მიერ აფხაზეთის და ოსეთის დამოუკიდებლობის გამოცხადების პროცესი. სამწუხაროდ ბოლო წლების მანძილზე ყველა ცდილობს ამ უმნიშვნელოვანესი საკითხების მიჩქმალვას. პოლიტიკა მიდის არა ერის სახელმწიფოს ჩამოყალიბებისთვის.
_ პარტია აპირებს გააქტიურებას და ადგილობრივი თვითმმართველობის არჩევნებში მონაწილეობას. რა იქნება პირველი ნაბიჯი და როგორ ფიქრობთ შეძლებთ კი დარჩენილ სამ თვეში საზოგადოებას გააცნოთ თქვენი ძირითადი პრიორიტეტები?
_ მართალია საზოგადოება არ გვიცნობს, მაგრამ აუცილებლად დაინახავს ჩვენს იდეოლოგიას დაკარგული ტერიტორიების დაბრუნების, ეკონომიკის გაძლიერების და ხალხის უკეთესი ხვალინდელი დღის შექმნისთვის აუცილებლად გადასადგამნაბიჯებში. მივიღებთ მონაწილეობას თვითმმართველობის არჩევნებში, ხმას მივაწვდენთ მოსახლეობას, ისევ შეიკრიბებიან პარტიის ძველი მხარდამჭერები და აქტივისტები. პირველი ნაბიჯი კი იქნება ის, რომ ისევ დავიწყებთ ხელმოწერების შეგროვებას კონსტიტუციიდან უკანონოდ ამოღებული 52-ედა64-ემუხლების ჩამატების მოთხოვნით. რომელი მოქალაქე იტყვის უარს კანონიერების აღდგენაზე და სამართლიანობის დამყარებაზე.
ვახტანგჟორდანია: გააქტიურებასვაპირებთ და იმედი გვაქვს იმ ადამიანების, რომლებსაც სურთ ჭეშმარიტი დემოკრატია. გარდა იმ ხელმოწერებისა, რაზეც ხათუნამ ისაუბრა, დავიწყებთ არჩევნებში მისაღებად საჭირო ხელმოწერების შეგროვებას. ჩვენ წარვადგენთ რეალურ პროგრამას, რომელიც იქნება უძლიერესი იმ მხრივ, რომ უშუალოდ ხალხის და მომავლის კეთილდღეობისთვის არის გათვლილი. საჭიროა ქვეყანაში დალაგდეს საშინაო პოლიტიკა, ასევე განისაზღვროს საგარეო ურთიერთობები,ერთი სიტყვით საქართველო უნდა გახდეს სამართლიანი ქვეყანა და უნდა იყოს მომხიბვლელი ოსებისა და აფხაზებისთვის, რომ გამოჩნდეს ტერიტორიების დაბრუნების რეალური გზა. ჩვენი პარტიის კარი ღია იქნება ყველასთვის, ჩვენ დიდი სიამოვნებით დავუთმობთ ტრიბუნას ყველა მოქალაქეს და მზად ვართ გვერდთ დავუდგეთ იმ ადამიანს, რომელიც გამოიკვეთება თავისი იდეოლოგიით.
პარტიის ლიდერების თქმით, თუ ამ ორი მუხლის ჩამატება მოხდება კონსტიტუციაში, თავად ხალხი გადაწყვეტს რეფერენდუმის გზით რა უნდა მიიღონ და რა არა. ამ შემთხვევაში არ ექნება არც პარლამენტს დ არც პრეზიდენტს დიდი უფლებამოსილება.
“პარლამენტი შენიღბულად მოქმედებს, ხელს უშლის ერის სახელმწიფოს ჩამოყალიბების პროცესს და უშუალოდ ახდენს სახალხო ძალა-უფლების იგნორირებას. კონსტიტუციაში უკანონოდ ამოღებული მუხლების ჩამატებით მათ არ შეეძლებათ საკუთარი სურვილისამებრ მოქმედება, ანუ რაც კონსტიტუციურად გვაქვს გარანტირებული ჭეშმარიტად უშუალო დემოკრატია იქნება განხორციელებული, როგორც ეს ხდება შვედეთის, შვეიცარიის საფრანგეთის და სხვა ქვეყნების შემთხვევებში, რომლებმაც განიცადეს წინსვლა”, _ აცხადებენ და-ძმა ჟორდანიები.
