დღეს უკრაინაში 12 საათზე ნახევარი საათით შეწყდება მუშაობა, ამის შესახებ უკრაინელებს პარტია “უდარის” ლიდერმა ვიტალი კლიჩკომ სოციალური ქსელით მოუწოდა.
უკრაინაში შექმნილი განვითარებული მოვლენების გამო წუხს პატრიარქი ფილარეტი, რომელმაც პრეზიდენტის მიერ გაცემულ ორდენებზე უარი სთქვა და აქციის მონაწილეებს მხარდაჭერა გამოუცხადა. მღვდლებს კი ქუჩებში ხალხმრავალ ადგილებში ლოცვის გაძლიერებისკენ მოუწოდა.
“მაშინ, როცა დაიღუპნენ ადამიანები, გრძელდება შეტაკებები და წინააღმდეგობა, მე გთხოვთ არ დამაჯილდოვოთ ორდენებით. ჩემი გადაწყვეტილება მხარდაჭერილის წმინდა სინოდის და სხვა მღვდელმთავრების მიერ. ილოცეთ და გაძლიერდით ლოცვაში”, _ ბრძანა პატრიარქმა ფილარეტმა.
კიევში მიმდინარე მოვლენებს გამოეხმაურა საქართველოს პატრიარქი. საპატრიარქომ ილია მეორის სპეციალური განცხადება გაავრცელა.
“კიევში ბოლო დროს განვითარებულ მოვლენებს მსოფლიოც და ჩვენც შეშფოთებით ვადევნებთ თვალს. ქვეყანა რთულ პერიოდს გადის და დაძაბულობა შეიძლება კრიტიკულ ზღვარს მიუახლოვდეს. დიდად ვწუხვართ, რომ უკვე არის მსხვერპლი და დაშავებულთა სერიოზული რაოდენობა. შევთხოვთ უფალს, რომ პროცესები სისხლიან დაპირისპირებაში არ გადაიზარდოს და მოვლენები უმართავიარ გახდეს. მოციქულანდრიას, წმიდა ვლადიმერის და წმიდა ოლღას ლოცვით ღმერთმა დალოცოს უკრაინა და უკრაინელი ხალხი და შეაძლებინოს არსებული პრობლემების მშვიდობიანი გზით გადაჭრა”, _ ნათქვამია საპატრიარქოს მიერ გავრცელებულ განცხადებაში.
კიევში მიმდინარე პროცესების გამო შეშფოთებას გამოთქვამს ევროკავშირი. უახლოეს დღეებში უკრაინაში ევროკავშირის დელეგაცია ჩავა და როგორც ევროპარლამენტის ვიცეპრეზიდენტი იაცეკპროტაჩევიჩიაცხადებს, თუ დადასტურდა სპეცრაზმელების მხრიდან ცეცხლსასროლი იარაღის გამოყენების ფაქტი, ევროკავშირი უკრაინასთან ურთიერთობას შეწყვეტს.
უკრაინული მედია აცხადებს, რომ აქციის მონაწილეებმა და ოპოზიციის ლიდერებმა იანუკოვიჩს გადაწყვეტილების მისაღებად 24 საათი მისცეს, ამის შესახებ ფრაქცია “ბატკივშიკნას” ლიდერმა არსენ იაცენიუკმაგანაცხადა მაიდანზე გამოსვლისას.
გავრცელდა უკრაინის გენერალური პროკურატურის განცხადება, რომ მილიციამ არეულობის მონაწილე კიდევ სამი პირი დააკავა. ამ დროისთვის სულ დაკავებულთა რაოდენობა 70 აღემატება.
არც დაკავებულთა და არც დაშავებულთა რიცხვში საქართველოს მოქალაქეები არ არიან, ამის შესახებ ინფორმაციას უკრაინაში საქართველოს საგანგებო და სრულუფლებიანი ელჩი მიხეილ უკლება ავრცელებს. მისი თქმით საელჩოსთან მოქმედებს ცხელი ხაზი, რომელიც 24 საათის განმავლობაში მუშაობს.
უკრაინელი ხალხის მხარდასაჭერად დღეს თბილისში უკრაინის საელჩოსთან სოლიდარობის აქცია გაიმართება, რომელიც 19 საათზე დაიწყება.
