თან გვთხოვეს, ყველის შესანახი წათხის რაიმე გამორჩეული რეცეპტი თუ ვიცით.
გთავაზობთ ერთ-ერთ რეცეპტს.
საჭიროა: ერთი კგ მარილი, ხუთი ლიტრი წყალი, ერთი ღვინის ჭიქა შაქარი, ერთი ღვინის ჭიქა ძმარი.
წყალი ავადუღოთ, გავხსნათ შიგ მარილი, შაქარი და როცა გაგრილდება, გავწუროთ. შემდეგ დავამატოთ ძმარი. კარგია თუ თიხის ან მომინანქრებულ ჭურჭელში ჩავასხამთ. დავდგათ გრილ ადგილზე. ყველი აუცილებლად ზომიერად დამარილებული და სველისგან დაწრეტილი უნდა იყოს, როცა წათხში ჩავუშვებთ. ასე მომზადებული წათხი ოცი დღის ან ერთი თვის ვადაშია ვარგისი. მერე უნდა შევცვალოთ, ახალი მოვამზადოთ იგივე წესით.
ჩვენმა მკითხველებმა გვთხოვეს, აგრეთვე, თუ ვიცით ყველის ხანგრძლივად შენახვის წესის შესახებ. ჩვენ აუცილებლად ვეცდებით, შესაბამისი პრაქტიკის მქონე ადამიანებისგან მოვიპოვოთ მსგავსი რეცეპტი და უახლოეს ნომერში შემოგთავაზოთ.
