19 ივლისს, ჩოხატაურში „გურია ნიუსმა“ 16 წლის ვიტალი კილასონიას მხარდასაჭერდ საქველმოქმედო საღამო გამართა.
ღონისძიებას საქართველოს პრეზიდენტი გიორგი მარგველაშვილი, უშიშროებს საბჭოს მდივნის მოადგილე თეონა აქუბარდია და პარლამენტის წევრები: თინთინ ხიდაშელი, ზვიად კვაჭანტირაძე, ირაკლი ტრიპოლსკი და დიმიტრი ხუნდაძე დაესწრნენ.
კონცერტში როგორც ადგილობრივები, ასევე სპეციალურად ამ დღისთვის თბილისიდან ჩამოსული მომღერლები მონაწილეობდნენ: ანსამბლი „ამაღლება“; ჯგუფი „ლურჯი იალქანი“, ანანო ჩხიკვაძე, ლილიანა ლომინეიშვილი; ბექა ჩაიძე, კობა ჭეფხოძე, ბეჟუკა ნაკაიძე. ჩოხატაურის სამრევლო სკოლის პირველკლასელები და ერკეთის საბავშვო ბაღის აღსაზრდელები.
ღონისძიებას, რომელიც ერთ საათს გრძელდებოდა, ბიზნესმენები, გურიის ხელისუფლების წარმომადგენლებიც დაესწრნენ.
დასასრულს, „გურია ნიუსმა“ დამსწრე საზოგადოებას საქველმოქმედო ფონდის დაფუძნების შესახებ აცნობა, რომელის მიზანი იმ ადამიანების დახმარებაა, რომლებსაც ეს ყველაზე ძალიან სჭირდებათ.
"მიხარია, რომ მონაწილე ვართ ამ ძალიან სწორი და კარგი ინიციატივის. ეს ინიციატივა ერთ-ერთი ჩვენი თანამემამულის, თანამოქალაქის დახმარებასა და ფონდის შექმნას ემსახურება. ვფიქრობ, ამ მომენტში ჩვენ არა მარტო ვეხმარებით ავადმყოფ ადამიანს, არამედ, შესაძლოა, ვაკეთებთ კიდევ უფრო მეტს – სიკეთისა და ერთმანეთის გვერდში დგომის უხილავ ძაფებს ვაბამთ ერთმანეთთან. ჩემთვის ყოველთვის მნიშვნელოვანია ასეთ ღონისძიებაში მონაწილეობის მიღება და ასეთი წამოწყების მხარდაჭერა. კიდევ ერთხელ მსურს მადლობა გადავუხადო დღევანდელი დღის ორგანიზატორებს", _ განაცხადა საქართველოს პრეზიდენტმა გიორგი მარგველაშვილმა.
ზვიად კვაჭანტირაძე, ოზურგეთის მაჟორიტარი დეპუტატი: არასოდეს უკან არ დავიხევ, თუ რაიმე კარგს გავაკეთებ ჩოხატაურლებისთვის, შევეცდები, რომ ჩემი მოკრძალებული წვლილი შევიტანო ამ პატარა ბიჭის დახმარებაში, როდესაც მას ასე ძალიან სჭირდება ხალხის გვერდში დგომა. მაგრამ ამასთან მინდა გითხრათ, რომ ასეთი ერთჯერადი აქციებით საშველი არ იქნება, ამიტომ მიღებულია გადაწყვეტილება, სოლიდარული ფონდის შექმნის შესახებ, რომლის საფუძველზეც საჯარო მოხელეები, ნებაყოფლობით რა თქმა უნდა, გააკეთებენ მონაცემებს და შეიტანენ თავის წვლილს ასეთი ბავშვების დასახმარებლად, ვისაც ჯანმრთელობის მხრივ სერიოზული პრობლემები აქვს.
თინათინ ხიდაშელი, საქართველოს პარლამენტის წევრი: მე ვფიქრობ, რომ ძალიან მნიშვნელოვანია, ასეთ ღონისძიებებზე ჩვენი დასწრება, უფრო მნიშვნელოვანია, მოსახლეობა როგორ მიიღებს და თანამონაწილე გახდება ამ პროცესების. თუმცა, ჩვენ მაგალითი უნდა მივცეთ მათ, რადგან ქუთაისში ვართ, გაუგებარი იქნებოდა, რომ არ ჩამოვსულიყავით და მადლობელი ვართ მოწვევისთვის პირველ რიგში. რაღაცა წვლილი თუ შეგვიძლია გავიღოთ, აი ამაზე არ უნდა დავზარდეთ.
ღონისძიებაზე სოლიდური თანხა შეგროვდა. გურიის გუბერნატორმა, გიორგი ჩხაიძემ ვიტალის ანგარიშზე 2000 ლარი გადარიცხა, ლიბერთი ბანკმა _ 500 ლარი, ალდაგი ბისიაის დამფუძნებელმა ნიკოლოზ გამყრელიძემ სამასი ლარი, ბიზნესმენმა ილა კეჭაყმაძე ვიტალის 1000 ლარით დაეხმარა, ბიზნესმენი გია ცეცხლაძე _ 500 ლარით; ლანჩხუთის საკრებულოს თავმჯდომარემ გოგი ხელაძემ და გამგებელმა ზაზა ურუშაძემ ვიტალის 1000 ლარი გადაურიცხეს, შპს „გზამშენი 18“-ის ხელმძღვანელმა, თემურ ჯახვამ 200 ლარი, ჩოხატაურის ბაღების გაერთიანებამ 350 ლარი, ერთ-ერთმა ცნობილმა ბიზნესმენმა, რომელსაც ვინაობის გამხელა არ სურს, ვიტალის 1000 დოლარი გადაურიცხა, ჩოხტაურის პოლიციის ყოფილმა უფროსმა კოკა მაისურაძემ 100 ლარი ჩარიცხა.
დეპუტატი რამაზ ნიკოლაიშვილი, დასავლეთ საქართველოს საოლქო პროკურორი ილია ჯალაღანია, ოზურგეთის მუნიციპალიტეტის გამგებელი მერაბ ჭანუყვაძე, ქალაქ ოზურგეთის მერი ბეგლარ სიორიძე, ბიზნესმენები: გოგი თოფაძე, მაია რჩეულიშვილი, თიბისი ბანკი, ენერგოპრო ჯორჯია; შინაგან საქმეთა სამინისტრო; სოფლის მეურნეობის სამინისტრო; ქართუ ჯგუფი; საქართველოს ფეხბურთის ფედერაცია; იანეულში მცხოვრები ალეკო ცინცაძე, თორნიკე მამალაძე, გიორგი ჩხიკვაძე, რევაზ თედორაძე, ზაალ მამალაძე, ირაკლი კუჭავა, ვლადიმერ სიხარულიძე, დავით გუდავაძე, მალხაზ ჩხიკვაძე, დავით შარაშიძე, მაია პაიჭაძე, მარინე ბერაძე, ზვიად მამალაძე, გოჩა ჯიქია, ქეთევან სიხარულიძე, ერეკლე უღრელიძე, თამაზ ჯინჭარაძე, მერაბ დოლიძე, ოთარ სორზანიშვილი, გელა ლომინეიშვილი, გია სიხარულიძე, ბაკურ შარაშიძე, ლაშა თოლოდრავა, ლაშა გიორგაძე, არჩილ სიხარულიძე, ზურაბ კოტრიკაძე, კოტე სიხარულიძე, თემურ შარაშიძე, დავით შვანგირაძე, თამარ კეკელიძე, ჩოხატაურის კულტურის ცენტრი, „ქართული ოცნების“ ჩოხატაურის პარტიული ორგანიზაცია _ ეს ის ადამიანები და ორგანიზაციები არინ, რომლებმაც ვიტალის დასახმარებლად თანხები გაიღეს.
კახა ძმანაშვილმა, ვიტალის დასახმარებლად თავისი წვლილი შეიტანა და დარბაზი უსასყიდოდ დაგვითმო.
აქციაზე მყოფი დეპუტატები თანხებს ამ კვირაში ჩარიცხავენ. სრულ ინფორმაციას შემოსული თანხების შესახებ მას შემდეგ მოგაწვდით, რაც თანხები საბანკო ანგარიშზე დაჯდება.
აღსანიშნავია, რომ ჯანდაცვის სამინისტრომ, გურიის გუბერნატორის გიორგი ჩხაიძის შუამდგომლობით, ვიტალის პირველადი ოპერაცია _ 7500 ევროს ოდენობით უკვე დააფინანსა.
