ანეკდოტები ტოტიზე

ცნობილი იტალიელი ფეხბურთელი ფრანჩესკო ტოტი საკუთარ ქვეყანაში ოხუნჯი ადამიანის რეპუტაციით სარგებლობს. გთავაზობთ მასთან დაკავშირებულ რამდენიმე ანეკდოტს.

„ტოტი ძმასთან ერთად კინოში წავიდა. ფილმში ცხენების დოღს აჩვენებდნენ.

– 10 ევროს ჩამოვალ, რომ თეთრი ცხენი მოიგებს, – ამბობს რიკარდო.

– მე წაბლისფერზე ჩამოვალ, – პასუხობს ტოტი.

საბოლოოდ თეთრმა გაიმარჯვა. რიკარდომ ფულის აღებაზე უარი უთხრა:

– ეს ფილმი ნანახი მქონდა და ვიცოდი, რომელი გაიმარჯვებდა.

– მერე რა, მეც ნანახი მქონდა! – პასუხობს ტოტი.

– მაშინ, რატომ ჩამოხვედი ფსონს წაბლისფერზე?

– მომეჩვენა, რომ დღეს უკეთეს ფორმაში იყო.“

„ტოტი და კანდელა ვარჯიშის დროს დარბიან. ფრანგი გვერდით გაიხედავს და ეუბნება:

– ფრანჩესკო, ნახე მკვდარი მტრედი.

– აბა, სად არის? – კითხულობს ტოტი და თავაწეული ცას ათვალიერებს.“

„რომში ტრაგედიაა, ტოტის ორწიგნიანი ბიბლიოთეკა დაიწვა. ფრანჩესკო სასოწარკვეთილია:

– მეორის გალამაზება ვერ მოვასწარი!“

„ერთხელ ტოტიმ თავსატეხი იყიდა. მის აწყობას ექვსი თვე წვალობდა. დასრულების შემდეგ ყუთზე წაიკითხა წარწერა: „სამიდან ექვს წლამდე ბავშვებისთვის“ და გახარებულმა ამაყად წამოიძახა:

– მართლაც გენიოსი ვარ!“

„ფეხბურთელის მეუღლე ილარი ბლაზი ფრენჩესკოს ეუბნება:

– ჩემო სიყვარულო, შენზე უკვე ბევრი ანეკდოტი მოიგონეს! იქნებ ერთი, ორი წიგნი მაინც გაქვს წაკითხული. ვთქვათ, შექსპირი?

– რა თქმა უნდა, ძვირფასო, მაგრამ ვერ გამიხსენებია, ვინ დაწერა, – პასუხობს ტოტი.“

„ტოტი და ილარი კაბის ყიდვას აპირებენ. ბლაზი კაბას მოიზომავს და მეუღლეს ეკითხება:

– როგორ გგონია, ეს კაბა არ გამასუქებს?

– ძვირფასო, შენ ხომ მაგის შეჭმას არ აპირებ?“