გურიის გუბერნიის ადმინისტრაციაში პრემიები 2014 წლის ოქტომბრის შუა რიცხვებში დარიგდა. გუბერნიიდან მოწოდებული საჯარო ინფორმაციის თანახმად ვიგებთ, რომ პრემია სექტემბერში მომხდარი სტიქიის დროს 24-საათიან რეჟიმში მუშაობისა და დავალებების ზედმიწევნით შესრულების გამო გაიცა.
"სახელმწიფო რწმუნებულის-გუბერნატორის დებულების დამტკიცების შესახებ" საქართველოს მთავრობის 2013 წლის 29 ნოემბრის #308 დადგენილების მე-6 მუხლის 1-ლი პუნქტის, "საჯარო სამსახურის შესახებ" საქართველოს კანონის 37-ე მუხლის 1-ლი პუნქტისა და "საჯარო დაწესებულებებში პრემიის ოდენობის განსაზღვრის წესის დამტკიცების შესახებ" საქართველოს მთავრობის 2014 წლის 15 ივლისის #449 დადგენილების მე-5 მუხლის მე-3 პუნქტის თანახმად, სახელმწიფო რწმუნებულის-გუბერნატორის 2014 წლის 15 ოქტომბრის #254 განკარგულების შესაბამისად, სახელმწიფო რწმუნებულის-გუბერნატორის ადმინისტრაციის მოსამსახურეების გურიის რეგიონში 25-26 და 28-29 სექტემბერს მომხდარი სტიქიის დროს 24-საათიან რეჟიმში მუშაობისა და დავალებების ზედმიწევნით შესრულებისთვის მიეცათ პრემია ერთი ხელფასის ოდენობით", _ წერია გუბერნიიდან მოწოდებულ წერილში.
პრემიების გაცემასთან დაკავშირებით, "გურია ნიუსი" "საერთაშორისო გამჭირვალობა-საქართველოს" იურისტს, გიგი ჩიხლაძეს დაუკავშირდა და კომენტარის გაკეთება სთხოვა:
"პრემიების გაცემის მიზეზი ისაა, რომ ქვეყანაში პოლიტიკა პრემიებთან დაკავშირებით ისევ დაურეგულირებელია. ეს უნდა შეცვლილიყო, თითქოს, ბოლო რამდენიმე საკანონმდებლო კანონქვემდებარე აქტის გამოცემის შედეგად, თუმცა, რეალურად ტრადიცია მნიშვნელოვნად არ შეცვლილა. ამ შემთხვევაში, განსხვავებული ვითარება გვაქვს _ არის პრემიების გაცემის მცდელობა, მაგრამ უცნაურია კანონიერი საფუძველი, რაც მითითებულია ბრძანებაში პრემიების გაცემის შესახებ, სადაც მითითებულია მთავრობის დადგენილება საჯარო სამსახურებში-დაწესებულებებში ოდენობის განსაზღვრის გზის დამტკიცების შესახებ. მე-5 მუხლის მე-3 პუნქტი განსაზღვრავს პრემიის გაცემას არა უმეტეს სამჯერ წელიწადში, რომელიც უკავშირდება საქართველოს შრომის კოდექსის განსაზღვრულ უქმე დღეებს ანუ დღესასწაულის დღეებში. სტიქიის დღესასწაულად ჩათვლა ძალიან უცნაურია", _ გვითხრა გიგი ჩიხრაძემ.
პრემირებულ ჩინოვნიკთა ჩამონათვალი ასეთია:
ინგა სალუქვაძე, სახელმწიფო რწმუნებულის-გუბერნატორის მდივან-რეფერენტი _ 680 ლარი; ნინო შეყილაძე, სახელმწიფო რწმუნებულის-გუბერნატორის ადმინისტრაციის სახელმწიფო რწმუნებულის-გუბერნატორი აპარატის უფროსი _ 1 550 ლარი; მარიამ დიდმანიძე, სახელმწიფო რწმუნებულის-გუბერნატორის ადმინისტრაციის სახელმწიფო რწმუნებულის-გუბერნატორის აპარატის მთავარი სპეციალისტის დროებით მოვალეობის შემსრულებელი სახელმწიფო შესყიდვების საკითხებში _ 750 ლარი; მზია ჩხარტიშვილი, სახელმწიფო რწმუნებულის-გუბერნატორის ადმინისტრაციის სახელმწიფო რწმუნებულის-გუბერნატორის აპარატის მთავარი სპეციალისტის დროებით მოვალეობის შემსრულებელი საბუღალტრო საკითხებში _ 750 ლარი; სოფიო სალუქვაძე, სახელმწიფო რწმუნებულის-გუბერნატორის სახელმწიფო რწმუნებულის-გუბერნატორის აპარატის უფროს სპეციალისტი საქმისწარმოების საკითხებში _ 680 ლარი; მაკა კვირკველია, სახელმწიფო რწმუნებულის-გუბერნატორის ადმინისტრაციის სახელმწიფო რწმუნებულის-გუბერნატორის აპარატის სპეციალისტი _ 550 ლარი; ანა ჩუბინიძე, სახელმწიფო რწმუნებულის-გუბერნატორის ადმინისტრაციის რეგიონული პროექტების კოორდინირების სამსახურის უფროსი _ 1 550 ლარი; კახაბერ ტოტოჩავა, სახელმწიფო რწმუნებულის-გუბერნატორის ადმინისტრაციის რეგიონული პროექტების კოორდინირების სამსახურის უფროსის მოადგილე _ 1 180 ლარი; ლია ღლონტი, სახელმწიფო რწმუნებულის-გუბერნატორის რეგიონული პროექტების კოორდინირების სამსახურის მთავარი სპეციალისტი _ 750 ლარი; ვახტანგ გველებიანი, სახელმწიფო რწმუნებულის-გუბერნატორის ადმინისტრაციის რეგიონული პროექტების კოორდინირების სამსახურის მთავარი სპეციალისტი _ 750 ლარი; ლაშა ღლონტი, სახელმწიფო რწმუნებულის-გუბერნატორის რეგიონული პროექტების კოორდინირების სამსახურის უფროსი სპეციალისტის დროებით მოვალეობის შემსრულებელი _ 680 ლარი; ნინო ვადაჭკორია, სახელმწიფო რწმუნებულის-გუბერნატორის ადმინისტრაციის რეგიონული პროექტების კოორდინირების სამსახურის უფროსი სპეციალისტის დროებით მოვალეობის შემსრულებელი _ 680 ლარი; ნინო ლომჯარია, სახელმწიფო რწმუნებულის-გუბერნატორის ადმინისტრაციის სახელმწიფო რწმუნებულის-გუბერნატორის აპარატის მთავარი სპეციალისტი საზოგადოებასთან ურთიერთობის საკითხებში _ 750 ლარი; ნანა ვარდოშვილი, სახელმწიფო რწმუნებულის-გუბერნატორის რეგიონული პროექტების კოორდინირების სამსახურის სპეციალისტი _ 550 ლარი; ქეთევან მოისწრაფიშვილი, სახელმწიფო რწმუნებულის-გუბერნატორის ადმინისტრაციის ადგილობრივ თვითმმართველობასთან ურთიერთობის სამსახურის უფროსი _ 1 550 ლარი; მერაბ ჩხაიძე, სახელმწიფო რწმუნებულის-გუბერნატორის ადმინისტრაციის ადგილობრივ თვითმმართველობასთან ურთიერთობის სამსახურის უფროსის მოადგილე _ 1 180 ლარი; ლანა ლომაძე, სახელმწიფო რწმუნებულის-გუბერნატორის ადგილობრივ თვითმმართველობის ორგანოებთან ურთიერთობის სამსახურის მთავარი სპეციალისტი _ 750 ლარი; ლევან შახოვი, სახელმწიფო რწმუნებულის-გუბერნატორის ადმინისტრაციის თვითმმართველობის ორგანოებთან ურთიერთობის სამსახურის მთავარი სპეციალისტი _ 750 ლარი; ეკა გუჯაბიძე, სახელმწიფო რწმუნებულის-გუბერნატორის ადგილობრივ თვითმმართველობის ორგანოებთან ურთიერთობის სამსახურის მთავარი სპეციალისტი _ 750 ლარი; ნათია თოხაძე, სახელმწიფო რწმუნებულის-გუბერნატორის ადმინისტრაციის ადგილობრივ თვითმმართველობის ორგანოებთან ურთიერთობის სამსახურის უფროსი სპეციალისტი _ 680 ლარი; ნინო გიგინეიშვილი, სახელმწიფო რწმუნებულის-გუბერნატორის ადმინისტრაციის ადგილობრივ თვითმმართველობის ორგანოებთან ურთიერთობის სამსახურის უფროსი სპეციალისტი _ 680 ლარი; შალვა ბოლქვაძე, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის უფროსი _ 1 550 ლარი; ვლადიმერ მიქატაძე, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის უფროსის მოადგილე _ 1 180 ლარი; ჯანიკო ჩიტაიშვილი, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის უფროსი სპეციალისტი _ 680 ლარი; რევაზ ქუთათელაძე, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის უფროსი სპეციალისტი _ 680 ლარი; ბესიკ ქინქლაძე _ სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის უფროსი სპეციალისტი – 680 ლარი; სერგო ზაქარიაძე, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის სპეციალისტი _ 550 ლარი; გიორგი გოგეშვილი, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის სპეციალისტი _ 550 ლარი; ზურაბ მიმინოშვილი, სახელმწიფო რწმუნებულის-გუბერნატორი ადმინისტრაციის საგანგებო სიტუაციების სამსახურის სპეციალისტი _ 550 ლარი; დავით ჯაფარიძე, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის სპეციალისტი _ 550 ლარი; გელა დუმბაძე, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის სპეციალისტი _ 550 ლარი; გიორგი კარტოზია, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის სპეციალისტი _ 550 ლარი; ლაშა ვასაძე, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის სპეციალისტი _ 550 ლარი; რომეო ჩხაიძე, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის სპეციალისტი _ 550 ლარი; გიორგი კალანდაძე, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის სპეციალისტი _ 550 ლარი; მანანა ბიწაძე, სახელმწიფო რწმუნებულის-გუბერნატორის ადმინისტრაციის შტატგარეშე მოსამსახურე-დამლაგებელი _ 480 ლარი; ვლადიმერ საბაშვილი, სახელმწიფო რწმუნებულის-გუბერნატორის ადმინისტრაციის შტატგარეშე მოსამსახურე-მძღოლი _ 450 ლარი; ნესტორ რამიშვილი, სახელმწიფო რწმუნებულის-გუბერნატორის ადმინისტრაციის საგანგებო სიტუაციების მართვის სამსახურის შტატგარეშე მოსამსახურე საქმისწარმოების საკითხებში _ 750 ლარი; ნიკოლოზ სირბილაშვილი, სახელმწიფო რწმუნებულის-გუბერნატორის ადმინისტრაციის შტატგარეშე მოსამსახურე-ტექნიკური კონსულტანტი ელექტრონული ტექნოლოგიების სფეროში _ 480 ლარი.
2014 წლის 1 იანვრიდან დღემდე გუბერნიის ადმინისტრაციის თანამშრომლებზე პრემიები სამჯერ გაიცა: 2014 წლის 4-5 ივნისს გურიის რეგიონში მომხდარი სტიქიის დროს დამატებით შესრულებული სამუშაოებისთვის 14 ადამიანისთვის, მთლიან ჯამში, 8 420 ლარი გამოიყო, 2014 წლის აგვისტოში, მარიამობის დღესასწაულთან დაკავშირებით 36 ადამიანზე, მთლიან ჯამში, 9 000 ლარი იქნა გაცემული; 2014 წლის ოქტომბერში _ 25-26 და 28-29 სექტემბერს მომხდარი სტიქიის დროს 24-საათიან რეჟიმში მუშაობისა და დავალებების ზედმიწევნით შესრულებისთვის 40 თანამშრომელზე, მთლიან ჯამში, 30 000 ლარზე მეტი პრემია გაიცა.
მკითხველს შევახსნებთ, რომ 2013 წლის 21 თებერვალს, რეგიონული განვითარებისა და ინფრასტრუქტურის მაშინდელმა მინისტრმა დავით ნარმანიამ პრესკონფერენციაზე განაცხადა, რომ 2014 წლის ადგილობრივი თვითმმართველობის არჩევნების ჩატარების შემდეგ, გუბერნატორების ინსტიტუტის გაუქმება იგეგმებოდა: "როდესაც ჩატარდება ადგილობრივი თვითმმართველობის არჩევნები და შესაბამისი კანონმდებლობა შევა ძალაში, გუბერნატორის ინსტიტუტი გაუქმდება და გაცილებით უფრო დემოკრატიული ინსტიტუტი იქნება შემოღებული", _ თქვა მაშინ ნარმანიამ.
თუმცა, გუბერნიის ინსტიტუტის არ გაუქმებულა _ პირიქით, როგორც წყარო ამბობს, იგეგმება გუბერნატორის ფუნქციების გაძლიერება. გარდა ამისა, გურიის გუბერნიას ოზურგეთში ახალი ადმინისტრაციული შენობა ექნება, რომლის მშენებლობისთვის საკმაოდ სოლიდური თანხები გამოიყოფა ბიუჯეტიდან.
