რამდენიმე დღის წინ გამოცემამ „People” საინტერესო ინფორმაცია გაავრცელა. ეს „ნიუსი“ ცნობილ ამერიკელ კინომსახიობს, 56 წლის მიშელ პფაიფერს ეხება.
დრო ულმობელია. ის ერთ ადგილს არ ტკეპნის და თავისი დინებით მიედინება. შესაბამისად დღეს რომ გგონია რომ ლამაზი ხარ და საზოგადოებრივი ყურადღების არეალში იმყოფები, მოხედვას ვერ ასწრებ და სულ სხვა რეალობის წინაშე დგები. ასე დაემართა ქალბატონ მიშელ პფაიფერს. თავის დროზე ამ ულამაზესმა ქალმა ვერა და ვერ შეიგნო, რომ ნახევარი საუკუნე დაახურდავა და ულმობელმა ასაკმა საკუთარი კვალი დაატყო.
რა გინდა მეტი. სახელი გაქვს, საბანკო ანგარიშზე გვარიანი თანხაც გიდევს, საინტერესო პროფესიული გზაც განვლე. დაჯექი სახლში და მოუარე შვილებს, შვილიშვილებს, კატებს, ძაღლებს, მცენარეებს. საქმეს რა გამოლევს.
არა, დაუცხრომელი პფაიფერი კვლავ შოუ-ბიზნესში საქმიანობს. ეს უკანასკნელი კი მეტად ულმობელია.
რამდენიმე ხნის წინ, ერთ-ერთ პრეს-კონფერენციაზე მავანმა და მავანმა ჟურნალისტმა პირდაპირ მიმართა ვეტერან-მსახიობს, როგორ ცხოვრობ ასეთი ბებერი და მომჩვარო სხეულითო.
პფაიფერი მოსასულიერებელი შეიქმნა, უტაქტო მას-მედიის მსახურმა კი იქ მყოფი კოლეგების მხურვალე აპლოდისმენტები დაიმსახურა.
