საჭირო მასალა: კურდღლის ხორცი _ 2 კგ; დიდი ფორთოხალი _ 1 ცალი; შტოში ("კლიუკვა") _ 200 გრამი; ბულგარული წიწაკა _ ½ ჩ/კ; ანისი _ ½ ჩ/კ; ზეითუნის ზეთი; წითელი ღვინო _ 100 მლლ; შაქარი _ 3 ს/კ; მარილი, შავი პილპილი.
მომზადება: გარეცხეთ და გააშრეთ ხორცი, დაჭერით ულუფებად, წაუსვით მარილი, ბულგარული წიწაკა, ანისი, დაახურეთ სახურავი და გააჩერეთ მარინირებისთვის ერთი საათით. ყველა ნაჭერი მსუბუქად შეწვით ყველა მხრიდან ზეითუნში. ფორთოხალი გაფცქვენით, დაყავით ლებნებად და გააცალეთ თეთრი აფსკი და თესლები. გარეცხეთ შტოში. ფორმაში ჩაყარეთ მისი ნახევარი, მოაწყვეთ ხორცის ნაჭრები, მერე _ ფორთოხალი და თავზე ისევ შტოში. დაახურეთ ფორმას სახურავი და აცხვეთ აირღუმელში 200 გრადუსზე 1 საათით.
სოუსი: გამოწურეთ ნახევარი ფორთოხლის წვენი და ჩაახეხეთ კანის ცედრა, ღვინო, შაქარი, პილპილი, მარილი ჩაამატეთ და მიიყვანეთ ადუღებამდე, დაუწიეთ ცეცხლს და ადუღეთ 10 წუთი, შეაგრილეთ და დააბლენდერეთ.
მზა ხორცი დადეთ თეფშზე, მოასხით სოუსი.
