როგორც "გურია ნიუსი" წერდა, შინაგან საქმეთა მინისტრად ირაკლი ღარიბაშვილმა ვახტანგ გომელაური წარადგინა. ჭიკაიძის გადადგომიდან რამდენიმე საათში, ჩვენი წყარო დაბეჯითებით ამბობდა, რომ გომელაურის გამინისტრება ბიძინა ივანიშვილის მოთხოვნა იყო.
_ დარწმუნებული ვარ, ვახტანგ გომელაური ყველაფერს გააკეთებს, რათა ჩვენი და ხალხის მოლოდინები გაამართლოს. ის გამოირჩევა თავისი პროფესიონალიზმით, თავისი წესიერებით, უანგარობით, საქმისადმი და ქვეყნისადმი ერთგულებით და პრინციპულობით.
ეს არის მეტად საპასუხსიმგებლო თანამდებობა. მას აქვს გააზრებული ის, რაც ახლავს ამ თანამდებობას, ეს არის ერთ-ერთი ყველაზე რთული სფერო.
ეს სამინისტრო არ არის მისთვის ახალი. ვახტანგი ორი წლის განმავლობაში იკავდება მინისტრის მოადგილის თანამდებობას, მანამდეც ამ სისტემაში უწევდა მუშაობა.
ვუსურვოთ მას წარმატებებს. დარწმუნებული ვარ ყველაფრეს გააკეთებს იმისათვის, რომ ჩვენი და ხალხის მოლოდინები გაამართლოს, _ განაცხადა ირაკლი ღარიბაშილმა გომელაურის წარდგენისას.
_ ჩემი 30 წლიანი გამოცდილების შესაბამისად, შსს-ში მუშაობა ჩემთვის უცხო არ არის, _ დასძინა გომელაურმა, რომელსაც დღეს მოსალოდნელ საკადრო ცვლილებებზე არ უსაუბრია.
ვახტანგ გომელაური 1975 წლის 24 დეკემბერს დაიბადა. დამთავრებული აქვს ფიზიკური აღზრდისა და სპორტის აკადემია. მუშაობდა სამთავრობო დაცვის სპეციალური სამსახურში სპეციალური ქვედანაყოფის საბრძოლო განყოფილების უფროსად; დაცვის პოლიციაში; პრემიერ-მინისტრ ივანიშვილის დაცვის უფროსად.
შინაგან საქმეთა მინისტრის პირველ მოადგილედ, 2013 წელს, ივანიშვილის პოლიტიკიდან წასვლის შემდეგ დაინიშნა.
ნინო კუდუხაშვილს ეკუთვნის მსუბუქი ავტომანქანა 1998 წელს გამოშვებული HONDA CRV.
მინისტრის არ ფლობს ფასიან ქაღალდებს, რაც შეეხება გომალაურის ოჯახის წევრების საბანკო ანგარიშებს, დეკლარაციის შევსების მომენტში, ვახტანგ გომელაურის სახელფასო ანგარიშზე ბანკ „ქართუში“ 5306.19 ლარი კრედიტი ირიცხებოდა, მისი მეუღლის მიმდინარე ანგარიშზე ,,თი–ბი–სი ბანკში – 120.00 დოლარის კრედიტი.
ვახტანგ გომელაურს დეკლარაციის შევსებისას ნაღდი ფულის სახით ჰქონდა 20000 დოლარი და 14000 ლარი.
რაც შეეხება მის სახელფასო შემოსავალს, 2013 წელს, გომელაურმა მინისტრის მოადგილის პოსტზე 84112.34 ლარი აიღო.
2013 წლის 4 ივლისს 2015 წლის 4 ივლისამდე გომელაურის სახელზეა აღებული სესხი ბანკ „ქართუში“ 5900 დოლარის ოდენობით.
რაც შეეხება მინისტრის გასავალს, 2013 წელს გომელაურის ოჯახმა რემონტისთვის 30000 ლარი დახარჯა.
შინაგან საქმეთა მინისტრს მეუღლე და 2 შვილი ჰყავს.
