როგორც "გურია ნიუსისთვის" ცნობილი ხდება, ლანჩხუთის ბაღების გაერთიანების ხელმძღვანელი ქრთამის აღების ფაქტზეა დაკავებული.
ჩვენი ინფორმაციით ფული, რომელიც მან ქრთამის სახით აიღო დანომრილი იყო.
რაც შეეხება მის თანამშრომელს, ზურაბ ჩხაიძეს, ის ქუჩაში მოძრაობისას დააკავეს, დანომრილი ფული კი თან ჰქონდა.
როგორც ჩვენთვის ხდება ცნობილი, ანტიკორუფციული სააგენტო დიდი ხანია აღნიშნულ პირებთან დაკავშირებით მოკვლევას ატარებს.
აღსანიშნავია, რომ რაიონში ჩამოსული იყო შსს-ს ანტიკორუფციული სააგენტო, პროკურორთან და ექსპერტთან ერთად.
სამსახურიდან ამოღებულია 2800 ლარის ღირებულების გაზქურის შეძენის დოკუმენტები.
აღნიშნულთან დაკავშირებით მუნიციპალიტეტის გამგებელი ზაზა ურუშაძე ამბობს, რომ ვირთხები უნდა დაისაჯონ.
"მე ძალიან მოხარული ვარ. ვირთხები უნდა დაისაჯონ. მე მქონდა ეჭვები ბაღებზე და შევცვალე ხელმძღვანელი.
მაინც მქონდა კითხვები და დავპირდი, რომ ფინანსურს შევუშვებდი. მათ კი აუდიტი შეიყვანეს, რომელმაც ერთი კვირის წინ დაასრულა მუშაობა.
როგორც ჩანს რაღაც მაინც გამოგვეპარა, გვითხრა", _ აღნიშნა ურუშაძემ.
