“ჩებურეკი”

პირველი ვარიანტი

საჭირო მასალა: ცომი: ფქვილი _ 4 ½ ჭიქა; კვერცხი _ 1 ცალი; ცივი წყალი _ 250 მლ; არაყი _ 2 ს/კ; ზეითუნის ზეთი  _ 3 ს/კ; მარილი _ ½ ჩ/კ. გულსართი: ფარში (ცხვარი, ღორი, ძროხა ან სულაც _ ნარევი) – 600 გრამი; ხახვი _ 2 ცალი; ნიორი _ 2 კბილი; ოხრახუში _1 კონა; კამა _ 1 კონა, მარილი და პილპილი _ გემოვნებით.

მომზადება: ავურიოთ წყალი, არაყი, კვერცხი, ზეთი და წვრილ ნაკადად ჩავუშვათ ფქვილში. ცომი პლასტიკური და ხავერდოვანი უნდა იყოს.

წვრილად დავჭრათ მწვანილი, ხახვი, ნიორი (შეგვიძლია დავაბლენდეროთ), შევურიოთ ფარშს და დავუმატოთ მარილი და პილპილი, კარგად დავზილოთ.

ფიცარზე დავყაროთ ფქვილი, თხლად გავაბრტყელოთ დანაწილებული ცომის ბურთულები. ნახევარზე დავდოთ ფარში, კიდეები ჩანგლით ან ფიგურული დანით შევუკრათ. ვწვავთ მდუღარე ზეთში ყველა მხრიდან 5-7 წუთით ოქროსფერი ქერქის წარმოქმნამდე.

მზა "ჩებურეკები" დავალაგოთ ქაღალდის ხელსაწმენდზე, რომ ზედმეტი ცხიმი დაწდეს.

მეორე ვარიანტი

აადუღეთ 1,3 ჭიქა წყალი მარილით და კარაქით, სწრაფად ჩააყარეთ ½ ჭიქა ფქვილი მორევით. გააგრილეთ. შეურიეთ კვერცხი, რძე, ფქვილი და მოზილეთ, უმატეთ ფქვილი სანამ ცომი ხელებზე აღარ მიგეკვრებათ. 1 საათით გააჩერეთ და ისევ ჩაზილეთ.

გულსართისთვის ცხვრის ხორცის ფარშს შეურიეთ წვრილად დაჭრილი ხახვი, მარილი, პილპილი, ½ ჭიქა წყალი და კარგად დაზილეთ.

ცომი დაყავით პინგპონგის ბურთის ზომის გუნდებად, გააბრტყელეთ 2 მმ სისქის წრეებად, აიღეთ 1 სუფრის კოვზი ფარში, მოასწორეთ წრის ერთ ნახევარზე და დააფარეთ მეორე ნახევარი. კიდეები ჩანგლით, სპეციალური დანით ან ლამბაქით მოჭერით.

ღრმა ტაფაზე გააცხელეთ 2-3 სმ სიმაღლეზე ზეთი და შეწვით საშუალო ცეცხლზე ულუფებად 4-4 წუთი თითო მხარეზე, ერთხელ გადააბრუნეთ. ამოალაგეთ ქაღალდის ხელსახოცზე. ხრაშუნა რომ იყოს, არაყსაც უმატებენ, ფარშს კი წყლის ნაცვლად კეფირს, მაწონს ან გაყინული ბულიონის ნატეხებს უმატებენ.