მრავალი წელია, ჩვენ აქტიურდ ვწერთ გურიის მდინარეების ხეობებში უამრავი კარიერების შესახებ, საიდანაც მართული პროცესები ვერნაირ კრიტიკას ვერ უძლებს.
_ ეს ძარცვა იმდენად ღიად და თავხედურად ხდება, რომ მათ შემხედვარეს უსათუოდ აგეკვიატება ფიქრი, რომ ამ რიყეში ადამიანების ნაცვლად, რაღაც რობოტთა ჯგუფი მუშაობს, რომელიც სიყრუის გარდა, სრულ უვიცობას და უგულობას იჩენს _ გვეუბნება ფერმერი, სწავლული აგრონომი აკაკი ღლონტი.
ის ამბობს, რომ გურიანთაში მდინარე ნატანების ხეობა ჯოჯოხეთს დაამსგავსეს და ნაპირიდან, სულ ცოტა, 15 მეტრით დაბლა მაინც არის ჩვარდნილი მდინარის კალაპოტი.
_რა მიქნეს ამ უსინდისოებმა. 27 წლის ნაშრომი წყალში ჩაყრილი და განადგურებულია. საყანე ფართობი და 1700 კვ. მ. მიწა მდინარე ნატანებმა რამდენიმე თვეში გამიქრო, კომპანია „პოლატის“ უპასუხისიმგებლო მუშაობის შედეგად. ვდგავარ ამხელა მდინარის, ამხელა უნაპირო სანაპიროსთან და გული მიკვდება. ეს რა მიქნეს. პავლოვნიის კულტურა ერთ-ერთმა პირველმა გავაშენე. მიყვარს ინოვაციები. მიწა საკმაო რაოდენობით მაქვს საკუთრებაში. 2 ჰა-მდე ფართობი, რომელიც მდინარე ნატანების პირას მქონდა, პავლოვნია დავრგე. უკვე უზარმაზარი ხეებია. თუმცა მეტი ნაწილი, 1 ,7 ჰა უკვე წაღებული აქვს წყალს.ამხელა ხეები მეზარალა, კაცმა როგორ ვიტირო…_ შემოგვჩივლა მან და გვითხრა, რომ სამართლის პოვნას სასამართლოს გზით აპირებს.
ავტორი
