საქართველოს მთავრობის ადმინისტრაციის რეგიონებთან და ადგილობრივ თვითმმართველ ორგანოებთან ურთიერთობის დეპარტამენტს დღეიდან გიორგი ამაშუკელი უხელმძღვანელებს.
ამაშუკელს, ამ თანამდებობამდე, აქართველოს რეგიონული განვითარებისა და ინფრასტრუქტურის მინისტრის პირველი მოადგილისა და საქართველოს რეგიონული განვითარებისა და ინფრასტრუქტურის სამინისტროს სსიპ-ის მუნიციპალური განვითარების ფონდის აღმასრულებელი დირექტორის პოსტები ეჭირა.
მისი ქონებრივი დეკლარაცია სწორედ მუნიციპალური განვითარების ფონდის აღმასრულებელი დირექტორის პოსტზე ყოფნისას 2015 წლის 1 თებერვალს არის შევსებული, საიდანაც ირკვევა, რომ გიორგი ამაშუკელის სახელზე უძრავ-მოძრავი ქონება არ არის.
რაც შეეხება საცხოვრებელ სახლს თბილისი, ეგნატე ნინოშვილის ქუჩაზე, რომლის ფართობიც 150.00 კვ.მ-ია, მისი დედის ნანა ქაროსანიძის საკუთრებაშია (100%-იანი წილით). მსუბუქი ავტომობილი Toyota Corolla, რომლის გამოშვების თარიღიც დეკლარაციაში აღნიშნული არ არის, ამაშუკელის მეუღლეს, თინათინ შუბლაძეს ეკუთვნის.
რაც შეეხება ფინანსურ მდგომარეობას, გიორგი ამაშუკელისა და მისი ოჯახის წევრების სახელზე 15 საბანკო ანგარიშია გახსნილი.
აქედან, გიორგი ამაშუკელის სახელზეა ანაბარი თი–ბი–სი ბანკში, სადაც 16534.92 დოლარია. ასევე, მეორე ანაბარი ამავე ბანკში 1100 ლარი და 351 ევროს ოდენობით.
დეკლარაციის შევსების მომენტში, ამაშუკელის სახელფასო ანგარიშზე თი–ბი–სი ბანკში, 5988 ლარი ირიცხებოდა, ამავე ბანკში საკრედიტო ანგარიშზე 5000 ლარი.
რაც შეეხება მისი მეუღლის, თინათინ შუბლაძის საბანკო ანგარიშებს, დეკლარაციაში აღნიშნულია, რომ მას საქართველოს ბანკში ანაბარზე 3 9875.94 ევრო, 500.61 დოლარი და 511.85 ლარი ჰქონდა; ამავე ბანკში საკრედიტო ანგარიშზე 4380.00 ლარი ერიცხებოდა, ხოლო სახელფასო ანგარიშზე 2517.29 ლარი ჰქონდა.
გიორგი ამაშუკელის დედის, ნანა ქაროსანიძის საკრედიტო ანგარიშზე თი–ბი–სი ბანკში 5200.00 ლარი იყო, პროკრედიტ ბანკში ანაბარზე 5241.57 ლარი და 40ო დოლარი, ხოლო სახელფასო ანგარიშზე თი–ბი–სი ბანკში 18 ლარი.
რაც შეეხება ოჯახის შემოსავლებს, დეკლარაციის მიხედვით, გიორგი ამაშუკელის შემოსავალმა 2014 წლის 2 თებერვლიდან 2015 წლის 2 თებერვლამდე 72800 ლარი შეადგინა. აქედან, საქართველოს რეგიონული განვითარებისა და ინფრასტრუქტურის სამინისტრო მინისტრის მოადგილის პოსტიდან მან 36692.65 ლარი, ხოლო მინისტრის პირველი მოადგილის თანამდებობიდან 36107.35 ლარი მიიღო.
რაც შეეხება მისი მეუღლის, თინათინ შუბლაძის შემოსავლებს, მისი ანაზღაურება „გლაქსოსმიტკლაინ ექსპორტ ლიმიტედის“წარმომადგენლობიდან, სადაც მას სამედიცინო რეგულირების და ადმინისტრაციის მენეჯერის თანამდებობა უჭირავს, 10787.81 ლარი იყო, ხოლო ამავე ორგანიზაციის საქართველოსა და აზერბაიჯანის წარმომადგენლობების ხარისხის მართვის ხელმძღვანელის თანამდებობიდან მან 88241.91 ლარის ანაზღაურება მიიღო.
დეკლარაციაში ასევე აღნიშნულია გიორგი ამაშუკელის დედის, ნანა ქაროსანიძის შემოსავლებიც. ნანა ქაროსანიძე საოჯახო მედიცინის ეროვნული სასწავლო ცენტრის პრაქტიკის მენეჯერია, ამ თანამდებობაზე მისი ანაზღაურება კი, 8586.99 ლარი იყო, ხოლო საოჯახო მედიცინის პროფესიული კავშირის პიარ-მენეჯერის თანამდებობიდან კი, 1685.00 ლარი.
რაც შეეხება ოჯახის ფინანსურ გასავალს, დეკლარაციის მიხედვით, გიორგი ამაშუკელს 2017 წლამდე 7200- ლარიანი სამომხმარებლო სესხი აქვს აღებული, ამის პროცენტის დასაფარად კი მან 5271 ლარი გადაიხადა.
თინათინ შუბლაძეს 2014 წელს 40 ათას დოლარიანი ნასყიდობის ხელშეკრულება აქვს გაფორმებული (ნასყიდობა, საცხოვრებელი სახლი, 130 კვ.მ ფართობი, წინამძღვრიშვილის ქ. #119 ბ.7 – გაყიდვა, ხელშეკრულების ვადა 22/12/2014, 22/12/2014 – 29/12/2014), საიდანაც შემოსავლის სახით ჯერჯერობით 10 ათასი დოლარი აქვს მიღებული.
თუმცა, მას ახალი ავტომობილის შესაძენად ამ წელს გასავალიც ჰქონდა 9 624 ლარის ოდენობით.
ოჯახის გასავლის გრაფაში ასევე დაფიქსირებულია, რომ გიორგი ამაშუკელმა თინათინ შუბლაძის სწავლის საფასურის დასაფარად 615 გირვანქა სტერლინგი (დღეის მონაცემებით, დაახლოებით, 2 152 ლარი) გადაიხადა.
ამავე თემაზე:
